މާލޭ ސިޓީ ކައުންސިލުގެ ބައެއް ޚިދުމަތްތަކުން ނަގާ ފީ ކުޑަކުރަން ނިންމައިފި އެވެ. 

އެފަދައިން ނިންމާފައިވަނީ މާލީ ސިޓީ ކައުންސިލްގެ މުނިސިޕަލް ސާވިސް ކޮމެޓީގެ 58 ވަނަ ބައްދަލުވުމުގަ އެވެ.

އެގޮތުން އެ ބައްދަލުވުމުގައި ވަނީ މާލެއާއި ވިލިމާލެ ފަޅުތަކާއި ބަނދަރުތައް ބޭނުންކުރުމާއި، އެ ތަންތަނުން އުޅަނދުފަހަރަށް ފައްތިޔާ އަދި ފަޅު ހުއްދަ ފީ ނެގުމުގެ އިތުރުން މާލޭގެ މަގުމަތީގައި މަސައްކަތްކުރުމަށް ދޫކުރާ ބޯޑުތަކުގެ އަގު ހެޔޮކުރުމަށް ނިންމާފަ އެވެ. 

Advertisement

މާލެ ސިޓީ ކައުންސިލުން ކުޑަކުރަން ނިންމާފައިވަނީ މާލޭ މަގުމަތީގައި މަސައްކަތް ކުރުމަށް ދޫކުރާ ބޯޑުތަކުގެ ފީ އަދި މާލެއާއި ވިލިމާލޭ ފަޅުން ދޫކުރާ ފައްތިޔާ އަދި ފަޅުހުއްދަ ފީއެވެ.

ފީތަކަށް ގެނެވުނު ބަދަލުތައް މިހާރު ވަނީ ގެޒެޓުގައި ޝާޢިއުކޮށްފަ އެވެ. 

ސިޓީ ކައުންސިލުގެ ޚިދުމަތްތަަކުގެ އަގުތަކަށް އައިސްފައިވާ ބަދަލުތައް

ފީ ތަކަށް ގެނެވުނު ބަދަލާއިއެކު ގެޒެޓް ކުރެވިފައިވާ އިޢުލާނާއި އެއްގޮތަށް މާލެއާއި ވިލިމާލެ ފަޅުން އުޅަނދު ފަހަރަށް ފައްތިޔާ، ފަޅުހުއްދަ އަދި މާލޭގެ މަގުމަތީގައި މަސައްކަތް ކުރުމަށް ދޫކުރާ ބޯޑު ތަކުގެ އަގުލިސްޓްއަށް 26 ފެބުރުވަރީ 2023 ވަނަ ދުވަހުން ފެށިގެން ޢަމަލުކުރަން ފަށާނެ ކަމަށް މާލެ ސިޓީ ކައުންސިލުން ވަނީ ބުނެފަ އެވެ.