އެމްޑީޕީގެ ރިޔާސީ ޕްރައިމަރީ ބާތިލުކޮށް އަލުން ޕްރައިމަރީ ބާއްވަން އަމުުރު ކޮށްދޭން އެދި ސިވިލް ކޯޓަށް ހުށަހެޅި މައްސަލައިގެ އަޑުއެހުން އަންނަ އާދީއްތަ ދުވަހަށް ފަސްކޮށްފި އެވެ.

އެމްޑީޕީގެ ރިޔާސީ ޕްރައިމަރީ އަލުން ބާއްވަން އެދި ހުށަހަޅާފައިވަނީ ޕްރައިމަރީ ނާކާމިޔާބުވެވަޑައިގެންނެވި، އެޕާޓީގެ ރައީސް މުހައްމަދު ނަޝީދު ގެ ފެކްޝަންގެ ފަރާތުން އަލީ އަމްޖަދު ކިިޔާ މީހެކެވެ. 

ސވިލް ކޯޓަށް ހުށައެޅި މައްސަލައިގައި ވަނީ އެ ޕްރައިމަރީ ބާތިލުކުރަން އެދުނީ އެ އިންތިހާބު ބާއްވާފައިވަނީ ޕާޓީން ވަކިކުރި މެންބަރުންގެ ހައްގުތައް ގެއްލޭ ގޮތަށް ކަމަށް ބުނެފައެވެ. 

Advertisement

އެގޮތުން އެމްޑީޕީގެ އަސާސީ ގަވާއިދު ބުނާ ގޮތުން ޕާޓީގެ މެންބަރުކަމުން މީހަކު ވަކިކުރުމަކީ ޕާޓީން އަޅާ ފިޔަވަޅެއްކަމަށްވާއިރު، ގައުމީ މަޖިލީހުން ނިންމައިގެން 39،000 މެންބަރުން ވަކިކޮށްފައިވަނީ ފިޔަވަޅު އެޅުމުގައި އަމަލުކުރަންޖެހޭ އިޖުރާއާތުތަކާ ހިލާފަށްކަން ފާހަގަކޮށްފައި ވެއެވެ. 

އިންތިހާބު ބާއްވާފައިވަނީ ވަކިކުރި މެންބަރުންގެ ހައްގުތައް ގެއްލޭ ގޮތަށް ކަމުގައިވާތީ އެ މެންބަރުންނަށް ބައިވެރިވެވޭ ގޮތަށް އަލުން އިންތިހާބު ބޭއްވުމަށް އެމްޑީޕީގެ މައްޗަށް އަމުރުކޮށްދިނުމަށް މައްސަލަ ހުށައެޅި ފަރާތުން ވަނީ އެދިފައެވެ. 

މި މައްސަލައިގެ ފުރަތަމަ އަޑުއެހުން ކުރިން ތާވަލު ކޮށްފައި އޮތީ މިއަދުގެ 10:00 އަށެވެ. އެހެންނަމަވެސް މިހާރު މި މައްސަލަ ފަށަން ތާވަލުކޮށްފައި ވަނީ އަންނަ އާދީއްތަ ދުވަހުގެ 10:15 އަށެވެ.