ރައްޔިތުންގެ މަޖިލީހުން ހުސްވެފައިވާ ގުރައިދޫ ދާއިރާގެ ބައި އިލެކްޝަން ގައި އެމްޑީޕީން ފަރާތުން ވާދަކުރާނެ ކެންޑިޑޭޓެއް ހޮވުމަށް ބާއްވާ ޕްރައިމަރީގައި ވާދަކުރާ 4 ކެންޑިޑޭޓުންގެ ނަން އިއުލާން ކޮށްފި އެވެ. 

ރައްޔިތުންގެ މަޖިލީހުން ހުސްވެފައިވާ ގުރައިދޫ ދާއިރާގެ ބައި އިލެކްޝަން ގައި އެމްޑީޕީން ފަރާތުން ވާދަކުރާނެ ކެންޑިޑޭޓެއް ހޮވުމަށް ބާއްވާ ޕްރައިމަރީ ބޭއްވުމަށް ހަމަޖެހިފައިވަނީ 11 މާޗް 2023 ވާ ހޮނިހިރު ދުވަހު އެވެ.

އެ ޕްރައިމަރީ އަށް ވާދަކުރަން ފޯމު ހުށަހެޅުމުގެ ސުންގަނޑި އިއްޔެ ހަމަވީއިރު ކުރިމަތިލާފައިވާ ކެންޑިޑޭޓުންގެ ނަންތައް އެ ޕާޓީން ވަނީ އިއުލާން ކޮށްފައެވެ. 

Advertisement

1- މުޙައްމަދު މުސްތަފާ – ވިވިޑް / ކ. މާފުށި

2- ސަލްމާން ރަޝީދު – މާފަރިވާގެ / ކ. މާފުށި

3- އިބްރާހިމް ޝާޒް – ފައިވްރޯޒް / ކ ގުރައިދޫ

4- އަބްދުﷲ ސައީދު – ވެލި / ކ. ގުރައިދޫ

ގުރައިދޫ ދާއިރާގެ މެންބަރު ރިޒާ އަވަހާރަވީ ކެންސަރުގެ އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށް ފެބްރުއަރީ 22 ވަނަ ދުވަހުގެ ރޭ މެލޭޝިއާގައެވެ.

އިދިކޮޅު ޕީޕީއެމްގެ މެމްބަރެއްގެ ގޮތުގައި މަޖިލިސް ތަމްސީލުކުރައްވަމުން ގެންދެވި ރިޒާއަކީ މަޖިލީހުގައި އެންމެ ގިނަ ދުވަސްވީ އެއް މެންބަރެވެ. ރިޒާ ވަނީ، ނިމުނު 3 ދައުރުގައިވެސް މެންބަރުކަން ކުރައްވާފައެވެ.