ހައުސިންގ ޑިވެލޮޕްމެޓް ކޯޕަރޭޝަން (އެޗްޑީސީ) އިން އެ ކޯޕަރޭޝަންގެ ނަމުގައި އާންމު ފަރާތްތަކަށް ސައްހަ ނޫން މެސެޖުތަކެއް ފޮނުވާތީ ސަމާލުވުމަށް އެދިއްޖެއެވެ.

އެގޮތުން އެޗްޑީސީއިން ރޭ ކޮށްފައިވާ ޓްވީޓެއްގައި އެކޯޕަރޭޝަނުގެ ނަމުގައި ބައެއްކަހަލަ ލިންކުތައް ހިމެނޭ ގޮތަށް އާންމުންނަށް މެސެޖުތަކެއް ލިބެމުންދާތީ، މިކަމަށް ސަމާލުވުމަށް އެދިފައިވެއެވެ.

މިއާއިއެކު އެ ކޯޕަރޭޝަނުން މިފަދަ މެސެޖުތަކެއް ނުފޮނުވާނެ ކަމަށް އެޗްޑީސީއިން ވަނީ ބުނެފައެވެ.

Advertisement

ފަހަކަށް އައިސް މިފަދަ ފޭކް މެސެޖްތަކާއި ލިންކް ފޮނުވާގެން ސްކެމް ކުރާ މީހުންގެ އަދަދު ދަނީ އިތުރުވަމުންނެވެ. އަދި މިކަމުގެ ސަބަބުން އެތައް ބަޔެއްގެ ފައިސާ ދަނީ ގެއްލެމުންނެވެ. މިކަމާއި ގުޅިގެން ފުލުހުން އަދި ބީއެމްއެލް އިންވެސް ދަނީ ސަމާލު ވުމަށް އެދެމުންނެވެ.