މި އަހަރުގެ ޖަނަވަރީ 28 ވަނަ ދުވަހު ބޭއްްވި އެމްޑީޕީގެ ރިޔާސީ ޕްރައިމަރީ އަލުން ބާއްވައިދިނުމަށް އެދި ސިވިލް ކޯޓަށް ހުށަހެޅި މައްސަލަ ބެލުމުގެ އިހުތިސޯސް އެ ކޯޓަށް ލިބިގެން ނުވާ އެމްޑީޕީން ބުނެފިއެވެ.

އެމްޑީޕީ ޕްރައިމަރީގެ ނަތީޖާއަށް އަމަލު ކުރުން މަޑު ޖައްސާލުމަށް ވަގުތީ އަމުރަކަށް އެދިފައިވާތީ ސިވިލް ކޯޓުން ވަނީ މިއަދުގެ 10:15 އަށް އަޑު އެހުމެއް ތައާވަލް ކޮށްފައެވެ. 

އެހެން ނަމަވެސް އެ އަޑުއެހުމުގައި ސިވިލް ކޯޓުން މި މައްސަލަ ބެލުމުގެ އިހްތިސޯސެއް ނެތް ކަމަށް ބުނެ އެމްޑީޕީން ހުށަހެޅުމެއް ހުށަހެޅުމާ ގުޅިގެން ޝަރީޢަތުން ނިންމާފައިވަނީ، އިހުތިސާސާމެދު ގޮތެއް ނިންމަން އަޑުއެހުމެއް ބޭއްވުމަށްފަހު، ވަގުތީ އަމުރާމެދު ގޮތެއް ނިންމުމަށެވެ.

Advertisement

އަދި އިހުތިސާސާ މެދު ދެކޭ ގޮތް 10 ދުވަހުގެ ތެރޭގައި ކޯޓަށް ހުށަހެޅުމުގެ ފުރުސަތު މައްސަލަ ހުށަހެޅި ފަރާތަށް ކޯޓުން މިއަދު ދިނެވެ.

އެމްޑީޕީގެ ރިޔާސީ ޕްރައިމަރީ އަލުން ބާއްވަން އެދި ހުށަހަޅާފައިވަނީ އަލީ އަމްޖަދު ކިިޔާ މީހެކެވެ. 

ސވިލް ކޯޓަށް ހުށައެޅި މައްސަލައިގައި ވަނީ އެ ޕްރައިމަރީ ބާތިލުކުރަން އެދުނީ އެ އިންތިހާބު ބާއްވާފައިވަނީ ޕާޓީން ވަކިކުރި މެންބަރުންގެ ހައްގުތައް ގެއްލޭ ގޮތަށް ކަމަށް ބުނެފައެވެ. 

އެގޮތުން އެމްޑީޕީގެ އަސާސީ ގަވާއިދު ބުނާ ގޮތުން ޕާޓީގެ މެންބަރުކަމުން މީހަކު ވަކިކުރުމަކީ ޕާޓީން އަޅާ ފިޔަވަޅެއްކަމަށްވާއިރު، ގައުމީ މަޖިލީހުން ނިންމައިގެން 39،000 މެންބަރުން ވަކިކޮށްފައިވަނީ ފިޔަވަޅު އެޅުމުގައި އަމަލުކުރަންޖެހޭ އިޖުރާއާތުތަކާ ހިލާފަށްކަން ފާހަގަކޮށްފައި ވެއެވެ. 

އިންތިހާބު ބާއްވާފައިވަނީ ވަކިކުރި މެންބަރުންގެ ހައްގުތައް ގެއްލޭ ގޮތަށް ކަމުގައިވާތީ އެ މެންބަރުންނަށް ބައިވެރިވެވޭ ގޮތަށް އަލުން އިންތިހާބު ބޭއްވުމަށް އެމްޑީޕީގެ މައްޗަށް އަމުރުކޮށްދިނުމަށް މައްސަލަ ހުށައެޅި ފަރާތުން ވަނީ އެދިފައެވެ.