ލޯކަލް ގަވަރމަންޓް އޮތޯރިޓީ (އެލްޖީއޭ) ގެ ދެވަނަ ބެޗް އިންޑިއާއަށް "ކެޕޭސިޓީ ބިލްޑިންގ ޓްރެއިނިންގ" ތަމްރީނަށް ފުރައިފި ކަމަށް އެލްޖީއޭއިން ބުނެފިއެވެ.
އެގޮތުން އެލްޖީއޭއިން މިއަދު ކޮށްފައިވާ ޓްވީޓެއްގައި މިި ތަމްރީނުގެ 23 ބައިވެރިން މިއަދު ވެލާނާ އިންޓަރނޭޝަނަލް އެއާޕޯޓްއިން ވަނީ ފުރާފައި ކަމަށް ބުނެފައިވެއެވެ.
ދެ ހަފްތާގެ މުއްދަކަށް އިންޑިއާގެ ހައިދަރުއާބާދުގެ އެންއައިއާރްޑީޕީއާރުގައި ކުރިއަށް ގެންދެވޭ ތަމްރީނުގައި މި ފަހަރުގެ ބެޗްގެ ތެރޭގައި ރަށްރަށުގެ ކައުންސިލްތަކުގެ މަންދޫބުންނާއި އެލްޖީއޭގެ އޮފިޝަލުން ހިމެނެއެވެ.
އެލްޖީއޭއިން ބުނެފައިވަނީ މި ދަތުރާއި ގުޅިގެން އިންޑިއަން ހައިކޮމިޝަންގައި ހާއްސަ ރަސްމިއްޔާތެއް ކުރިއަށް ކުރިއަށް ގެންގޮސްފައިވާ ކަމަށެވެ.
މި ރަސްމިއްޔާތުގައި އެލްޖީއޭގެ ޗީފް އެގްޒެކެޓިވް އޮފިސަރު އަފްޝަން ލަތީފް އާއި އިންޑިއާގެ ސަފީރު މުނޫ މަހާވާރު ތަމްރީނުގެ ބައިވެރިންނާ މުޚާތަބުކޮށް ވާހަކަ ދައްކަވާފައިވެއެވެ.
މި ތަމްރީންގައި ލާމަރުކަޒީ ނިޒާމާއި ލޯކަލް ގަވަރނަންސްއާ ގުޅުންހުރި މައުލޫތަކުގެ ތެރެއިން ސެލްފް ގަވާނަންސް އެންޑް ގުޑް ގަވާނަންސް، ލޯކަލައިޒޭޝަން އޮފް އެސް.ޑީ.ޖީ، ސާވިސް ޑެލިވަރީ، ސިސްޓަމްސް ފޮރ ރިޑްރެސަލް އޮފް ޕަބްލިކް ގްރިވެންސަސް، ސޯޝަލް ޕްރޮޓެކްޝަން އެންޑް ސޯޝަލް ކޯޒޭޝަން، ޕްލޭނިންގ، ރެވެނިއު، ފައިނޭންޝަލް އެމް.ޖީ.ޓީ. އަކްކައުންޓިން އެންޑް އޮޑިޓް ކިޔާދޭނެ ކަމަށް ހައި ކޮމިޝަނުން ބުނެފައިވެއެވެ.
މިއާއިއެކު ވިމެން އެމްޕަވަރމަންޓް، ރޯލް އޮފް އެޑިއުކޭޝަން އިން ލޯކަލް ގަވަރނަންސް، ގްރޫޕް ޑައިނަމިކްސް، ލޭންޑް ޔޫސް ޕްލޭނިންގ، ވޭސްޓް އެމްޖީޓީ، ފިޝަރީޒް، ރިނިއުބަލް އެނަރޖީ ފަދަ ކަންކަން ވެސް ބައިވެރިންނަށް ކިޔާދޭނެ ކަމަށް އެ ކޮމިޝަނުން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
