ހުޅުމާލޭ "ޖޫސްޓައިމް"އަށް ހަމަލާދިން އިތުރު މީހަކު ހައްޔަރުކޮށްފިއެވެ.

ފުލުހުން މިއަދު ބުނީ، އެ މައްސަލައިގައި ތުހުމަތު ކުރެވޭ އިތުރު ހައްޔަރު ކޮށްފައިވާ ކަމަށާއި އޭނާ ހައްޔަރު ކޮށްފައި ވަނީ ކޯޓު އަމުރުގެ ދަށުން މިއަދުގެ ވަގުތެއްގައި ކަމަށެވެ.

ހައްޔަރު ކޮށްފައި ވަނީ 28 އަހަރުގެ ފިރިހެނެކެވެ.

މި މައްސަލައިގައި މީގެކުރިން ހައްޔަރު ކޮށްފައިވާ 19 އަހަރުގެ މީހާގެ ބަންދަށް، ކޯޓުން 15 ދުވަސް ދީފައިވާކަމަށްވެސް ފުލުހުން މައުލޫމާތު ދިނެވެ.

"ޖޫސް ޓައިމް" އަށް ހަމަލާދިން ކަމަށް ތުހުމަތު ކުރެވޭ ފުރަތަމަ މީހާ ހައްޔަރު ކޮށްފައި ވަނީ އިއްޔެއެވެ.

ހުޅުމާލެ “ޖޫސް ޓައިމް” އަށް ގެއްލުން ދިން މައްސަލާގައި ފުލުހުން ހިންގި އޮޕަރޭޝަނެއްގައި އަންހެނަކު ވެސް ހިމެނޭހެން 7 މީހަކު ހައްޔަރުކޮށްފައި ވަނީ ބުދަ ދުވަހުއެވެ.

ފުލުހުންގެ މީޑިއާ އޮފިޝަލް ވިދާޅުވީ، 2023 ފެބްރުއަރީ 17 ވަނަ ދުވަހުގެރޭ ހުޅުމާލެ ޖޫސް ޓައިމްއަށް ބަޔަކު ވަދެ ގެއްލުންދީފައިވާ މައްސަލައާ ގުޅިގެން ފެބްރުވަރީ 28 ވަނަ ދުވަހު ކޯޓު އަމުރެއްގެ ދަށުން ހުޅުމާލޭގެ އެޕާޓްމަންޓެއް ބަލައިފާސްކޮށްފައިވާ ކަމަށެވެ. 

އަދި މި އެޕާޓްމަންޓް ބަލައިފާސްކުރިއިރު، މާރާމާރީ ހިންގުމަށް ބޭނުންކުރާ ބައެއް ތަކެއްޗާއި މަސްތުވާތަކެތި ފެނިފައިވާ ކަމަށްވެސް ބުނެފައިވެއެވެ. 

ފުލުހުން އިތުރަށް ބުނީ، އެ ގެއިން އެ ތަކެތި ފެނުމާއި ގުޅިގެން 7 މީހަކު ހައްޔަރުކޮށްފައިވާ ކަމަށާ އެ މީހުންގެ ތެރޭގައި އަންހެނަކުވެސް ހިމެނޭ ކަމަށެވެ. އަދި މި އެންމެންނަކީވެސް ދިވެހިން ކަމަށް ފުލުހުން ވިދާޅުވި އެވެ. 

މިމައްސަލަ ފުލުހުން ދަނީ ތަހުގީގު ކުރަމުންނެވެ.