ބައިނަލްއަޤްވާމީ އަންހެނުންގެ ދުވަހުގެ މުނާސަބަތުގައި އެޗްޑީސީއާއި، ޖެންޑަރ މިނިސްޓްރީ އަދި ވިމެން އިން ޓެކް އެމްވީއާއި ގުޅިގެން ޑިނާރ ނައިޓްއަކާއި ޕެނަލް ޑިސްކަށަންއެއް ކުރިޔަށް ގެންގޮސްފިއެވެ.
އެގޮތުން މިއަހަރުގެ ތީމެއްގެ ގޮތުގައި ކަނޑައަޅާފައިވާ "ޑިޖިޓަލް – އިނޮވޭޝަން އެންޑް ޓެކްނޮލޮޖީ ފޮ ޖެންޑާ އީކުއާލިޓީ" ގުޅުވައިގެން މިއަހަރުގެ އަންހެނުންގެ ދުވަހުގެ މުނާސަބަތުގައި ފަރުކޮޅުފުށީގައިވަނީ ވިމެން ޔުނައިޓް- ޑިޖިޓަލްގެ ނަމުގައި ހާއްސަ ހަރަކާތެއް ކުރިޔަށް ގެންދެވިފައިވާ ކަމަށް އެޗްޑީސީއިން ބުނެފައިވެއެވެ.
އަދި ނެޓްވޯކިންގގެ ގިނަ ހަރަކާތްތަކާއި ޕެނަލް ޑިސްކަޝަނެއްވެސް މި ހަރަކާތުގެ ތެރެއިން ވަނީ ކުރިޔަށް ގެންދެވިފައި ކަމަށްް އެ ކޯޕަރޭޝަނުން ބުނެފައިވެއެެވެ.
މިއީ ޓެކްނޮލޮޖީގެ ދާއިރާއަށް ޝައުގުވެރިވާ އަދި މި ދާއިރާއިން ކުރިޔަށްދާން ބޭނުންވާ ފަރާތްތަކަށް މަގުފަހިވެގެންދިޔަ ރަނުގެ ފުރުސަތެއް ކަމަށް ފާހަގަކޮށް އެޗްޑީސީއިން ވަނީ ކޮންމެ އަހަރަކުވެސް ބައިނަލްއަޤުވާމީ އަންހެނުންގެ ދުވަސް ކުލަގަދަކޮށް ފާހަގަކޮށްއުޅުމަކީ އެ ކޯޕަރޭޝަނުން އަބަދުވެސް ކުރަމުން އަންނަ ކަމެއް ކަމަށް ބުނެފައެވެ.
އެގޮތުން އެޗްޑީސީއިން ވަނީ ޓެކްނޮލޮޖީ ދާއިރާއާއި އަދި މި ނޫންވެސް އެކި ދާއިރާތަކުގައި މަސައްކަތްކުރަމުން އަންނަ އަންހެނުންނަށް ވީހާވެސް ގިނަ ފުރުސަތުތައް އިތުރުކޮށްދީ، މުވައްޒަފުންނަށް އަމާޒުކޮށްގެން މިފަދަ ގިނަ ހަރަކާތްތައް ކުރިޔަށް ގެންދެވުމަކީ މި ކޯޕަރޭޝަނުގެ އަމާޒުކަމުގައި ބުނެފައެވެ.
އަދި އެ ކޯޕަރޭޝަނުން އަބަދުވެސް މަސައްކަތް ކުރަމުން ދަނީ ޓެކްނޮލޮޖީގެ ދާއިރާއިން އަންހެނުން އަހުލުވެރިކުރުވައި ކުރިއެރުމުގެ ގިނަ ފުރުސަތުތައް ފަހިކޮށްދިނުމަށް ކަމަށް ވެސް ފާހަގަކޮށްފައެވެ.
Advertisement
This content is created and paid for by advertisers and does not involve Voice Journalists
