މާލެ ސިޓީގެ ގިނަ މިސްކިތްތަކުގެ އެންމެ މުހިންމު މަސައްކަތް ކުރިއަށް އޮތް ދެހަފުތާ ތެރޭ ނިމޭނެ ކަމަށް ކަމަށް މާލެސިޓީ ކައުންސިލްގެ މޭޔަރު ޑރ މުހައްމަދު މުއިއްޒު ވިދާޅުވެއްޖެއެވެ.
މާލެ ސިޓީ ކައުންސިލުން އަންނަނީ ރޯދަމަހާއި ދިމާކޮށް މިސްކިތްތައް މަރާމާތު ކުރުމުގެ މަސައްކަތް ފަށައިގެން ކުރިއަށް ގެންދަމުންނެވެ.
އެ މަސައްކަތާއި ގުޅޭ ގޮތުން އިތުރު ތަފްސީލް ދެއްވައި މޭޔަރ މުޢިިއްޒު ކުރެއްވި ޓްވީޓެއްގައި ވިދާޅުވީ ރޯދަމަހަށް މިސްކިތްތައް މަރާމާތު ކުރުމުގެ މަސައްކަތްތަކުގައި އެއްފަހަރާ ގިނަ މިސްކިތްތަކެއްގެ މަސައްކަތް ކުރިއަށް ގެންދާ ކަމަށެވެ.
"ގިނަ މިސްކިތްތަކުގެ އެންމެ މުހިންމު މަސައްކަތް ކުރިއަށް އޮތް ދެހަފުތާ ތެރޭ ނިމޭނެ." މޭޔަރ ވިދާޅުވިއެެވެ.
ކޮންމެ އަހަރެއްގެވެސް ރޯދަމަހާއި ދިމާކޮށް މާލޭސިޓީ ކައުންސިލްގެ ބެލުމުގެ ދަށުގައި ހުންނަ މިސްކިތް ތައް މަރާމާތުކޮށް ޒީނަތްތެރި ކުރުމުގެ މަސައްކަތް މާލެސިޓީ ކައުންސިލުން އަންނަނީ ކުރަމުންނެވެ.
އެގޮތުން މިފަހަރު މިސްކިތްތައް މަރާމާތު ކުރުމުގެ މަސައްކަތައް ޚަރަދު ކުރަމުންދަނީ “ޗާލު މިސްކިތް” ފަންޑަށް އާއްމުން ދިން ފައިސާގެ އެހީތެރި ކަމާއި ކައުންސިލްގެ ޢާމްދަނީންނެވެ.
Advertisement
This content is created and paid for by advertisers and does not involve Voice Journalists
