ދިވެހިރާއްޖެއާއި އީރާނާއި ދެމެދު އަލުން ސިޔާސީ ގުޅުން ގާއިމު ކުރަން ނިންމާފިއެވެ.
އެގޮތުން ފޮރިން މިނިސްޓްރީއިން އިއްޔެ ނެރުން ބަޔާނެއްގައި ވަނީ ސަޢޫދީ ޢަރަބިއްޔާ އާއި އީރާނުން ދެޤައުމުގެ މެދުގައި އަލުން ސިޔާސީ ގުޅުން ޤާއިމުކުރަން ނިންމާފައިވާ ކަމަށެވެ.
އަދި މިކަމާއި ގުޅިގެން ދެޤައުމުގެ އެމްބަސީތައް އަލުން ހުޅުވުމަށާއި ޤައުމުތަކުގެ ސިޔާދަތަށް ޙުރުމަތްތެރިކޮށް ހިތުމާއި، ޤައުމުތަކުގެ ދާޚިލީ ކަންކަމާ ނުބެހުމާ ގުޅޭ އަސާސް އަލުން ކަށަވަރުކޮށް ސަޢޫދީ ޢަރަބިއްޔާ އާއި އީރާނާއި ޗައިނާއިން ނެރެފައިވާ ގުޅިފައިވާ ބަޔާނަށް ދިވެހި ސަރުކާރުން މަރުޙަބާ ކިޔާ ކަމަށެވެ.
އަދި މިހެޔޮ ބަދަލުތަކުގެ އަލީގައި ދިވެހި ސަރުކާރުން އީރާނާއެކު އަލުން ސިޔާސީ ގުޅުން ޤާއިމުކުރުމަށް ނިންމާފައިވާ ކަމަށް ވެސް ބަޔާނުގައިވެއެވެ.
މިއާއިއެކު ރާއްޖޭގެ ފޮރިން މިނިސްޓަރ އަބްދުﷲ ޝާހިދު ވެސް ވަނީ ސައުދީ ޗައިނާ މެދުވެރިކޮށް ސައިދީއާއި އީރާނާއި ދެމެދު ކުރެވުނު އެއްބަސްވުމާއި ގުޅިގެން ރާއްޖެއާއި އިރާނާއި ދެމެދު އޮތް ސިޔާސީ ގުޅުން ޤާއިމު ކުރަން ނިންމަވާފައިވާ ކަމަށް ވިދާޅުވެ ޓްވީޓް ކޮށްފައެވެ.
ސައުދީއިން އީރާނާއި ގުޅުން ކަނޑާލައިފާވަނީ އީރާންގެ ވެރިރަށް ތެހެރާންގައި މުޒާހަރާކޮށް، އެ ތަނުގައި ހުންނަ ސައޫދީ އެމްބަސީއަށް ގެއްލުންދީ ހުޅުޖެހި މައްސަލައިގައެވެ.
އަދި މިކަމާއި ގުޅިގެން ރާއްޖެއިން އީރާނާއިއެކު ސިޔާސީ ގުޅުން ކަނޑާލައިފާވަނީ 17 މެއި 2016 ގައެވެ.
Advertisement
This content is created and paid for by advertisers and does not involve Voice Journalists
