ދިވެހި ރާއްޖޭގެ ސަރުކާރާއި ގާނާގެ ސަރުކާރުންް ދެގައުމުގެ ދެމެދުގައި އޮންނަ ގުޅުން އިތުރަށް ބަދަހި ވާނެ ފަދަ ދެ އެއްބަސްވުމެގައި މިއަދު ސޮއިކޮށްފިއެވެ.
މިއެއްބަސްވުންތަކުގައި ސޮއިކޮށްފައިވަނީ މިހާރު ލަންޑަންގައި ކުރިއަށްދާ ކޮމަންވެލްތް ފޮރިން އެފެއާޒް މިނިސްޓަރސް މީޓިންގްގެ ތެރެއިންނެވެ.
ލަންޑަންގެ މާލްބޮރޯ ހައުސްގައި ކުރިއަށް ގެންދެވުނު ރަސްމިއްޔާތުގައި ދިވެހިރާއްޖޭގެ ފަރާތުން ސޮއި ކުރައްވާފައިވަނީ މިނިސްޓަރ އޮފް ފޮރިން އެފެއާޒް ޢަބްދުالله ޝާހިދުއެވެ.
އަދި ގާނާ ސަރުކާރުގެ ފަރާތުން އެއްބަސްވުމުގައި ސޮއި ކުރައްވާފައިވަނީ އެ ގައުމުގެ މިނިސްޓަރ އޮފް ފޮރިން އެފެއާޒް އެންޑް ރީޖަނަލް އިންޓެގްރޭޝަން ޝަރލީ އަޔޯރކޯރ ބޮޗްވީއެވެ.
މިއަދު ދެ ގައުމުން ސޮއިކޮށްފައިވާ އެއްބަސްވުންތަަކަކީ ދެ ގައުމުގެ ގުޅުން އިތުރަށް ބަދަހި ކުރުމަށްޓަކައި ދެ ގައުމުގެ ރައްޔިތުންނަށްވެސް ވިސާއާއި ނުލާ ދަތުރު ކުރެވޭނެ މަގު ފަހި ކުރުމަށާއި، ދެގައުމުގެ ފޮރިން މިނިސްޓްރީގެ ދެމެދު ޕޮލިޓިކަލް ކޮންސަލްޓޭޝަން ފޯރުކޮށްދިނުމަށް ކޮށްފައިވާ އެއްބަސްވުންތަކެކެވެ.
ދިވެހިރާއްޖެއިން ގާނާއާއިއެކު ސިޔާސީ ގުޅުން ގާއިމުކޮށްފައިވަނީ 10 އޮގަސްޓް 1989 ގައެވެ.
Advertisement
This content is created and paid for by advertisers and does not involve Voice Journalists
