ކްރިމިނަލް ކޯޓުގެ އިސް ޤާޟީގެ މަގާމާއި ޤާޟީގެ މަގާމަށް ކުރިމަތިލުުގެ ފުރުސަތު ޖުޑީޝަލް ސަރވިސް ކޮމިޝަން (ޖޭއެސްސީ) އިން ހުޅުވާލައިފިއެވެ.
އެގޮތުން ޖެއެސްސީއިން ކޮށްފައިވާ ދެ އިއުލާނެއްގައި ބުނެފައިވަނީ އަސާސީ މުސާރައިގެ ގޮތުގައި އިސް ޤާޟީ އަށް 31000 ރުފިޔާ ލިބިގެންދާނެ ކަމަށާއި ޤާޟީ އަށް 30000 ރުފިޔާ ލިބިގެން ދާނެ ކަމަށެވެ.
މިއާއިއެކު ދެ މަގާމަށްވެސް ލިވިންގ އެލަވަންސްގެ ގޮތުގައި 15000 ރުފިޔާ އަދި ރިސްކް އެލަވަންސްގެ ގޮތުގައި 3300 ރުފިޔާ ލިބޭނެ ކަމަށްވެސް އިއުލާން ކޮށްފައިވެއެވެ.
އަދި ރައްޔިތުން މަޖިލީހުން ކަނޑައަޅާފައިވާ ގޮތުގެ މަތިން މެޑިކަލް އިންޝުއަރެންސް އަދި ފޯން އެލަވަންސް ވެސް ލިބިގެން ދާނެ ކަމަށް ބުނެފައިވެއެވެ.
ކްރމިނަލް ކޯޓުގެ އިސް ޤާޟީ ކަމުގެ މަގާމަށް ކުރިމަތި ލެވޭނީ އެ ކޯޓުގައި ފަނޑިޔާރުކަމުގެ މަގާމް އަދާކުރަމުން ގެންދާ ފަރާތްތަކަށް ކަމަށް ޖޭއެސްސީގެ އިއުލާނުގައި ފާހަގަ ކޮށްފައިެއެވެ.
މީގެ އިތުރުން ފަހިރެސް ޕޯޓަލް މެދުވެރިކޮށް އިސް ޤާޟީ ގެ މަގާމަށް ކުރިމަތި ލުމަށް ފޯމް ހުށަހަޅަންވާނީ 03 އެޕްރީލްގެ ގެ 12:00 ގެ ކުރިން ކަމަށާއި ޤާޟީގެ މަގާމަށް ކުރިމަތިލުމަށް ފޯމް ހުށަހަޅަންވާނީ 04 އެޕްރީލްގެ 12:00 ގެ ކުރިން ކަމަމް އިއުލާން ކޮށްފައިވެއެވެ.
ކްރިމިނަލް ކޯޓްގެ އިސް ޤާޟީގެ މަގާމް ހުސްވެފައިވަނީ އެ މަގާމްގައި ކުރިން ހުންނެވި ޤާޟީ އަހުމަދު ޝަކީލް ހައި ކޯޓްގެ ފަނޑިޔާރުކަމަށް ހުވާކުރެއްވުމާއި ގުޅިގެންނެވެ.
އެހެންކަމުން 13 މާރިޗު 2023 އިން ފެށިގެން ކްރިމިނަލް ކޯޓުގެ އިސް ޤާޟީގެ ގޮތުގައި ވަގުތީ ގޮތުން މަސައްކަތް ކުރައްވަމުން އަންނަނީ ޤާޟީ އާދަމް މުހައްމަދެވެ.
Advertisement
This content is created and paid for by advertisers and does not involve Voice Journalists
