މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން އަސްކަރީ ތަމްރީނުތަކެއް އޭޕްރީލް 1 އިން 4 އަކަށް ސ. ގަމުގައި ކުރިއަށް ގެންދިޔުމަށް ހަމަޖައްސާފިއެވެ.
އެގޮތުން ޓްރާންސްޕޯޓް މިނިސްޓްރީއިން މިއަދު ނެރުން އިއުލާނެއްގައި ބުނެފައިވަނީ މިއިން ކޮންމެ ދުވަހެއްގެ 06:00 އިން 18:00 މި ތަމްރީނުތައް ކުރިއަށް ގެންދިއުމަށް ހަމަޖެހިފައިވާކަން މިނިސްޓްރީއަށް އަންގަވާފައިވާ ކަމަށެވެ.
މި ތަމްރީނުތަކުގައި ވައިގެ ސަރަހައްދު ބޭނުންކުރުމަށް ހަމަޖެހިފައިވާތީ، އެކަމުގެ ތަފްސީލްތައް މިނިސްޓްރީއިން ވަނީ އިއުލާން ކޮށްފައެވެ. މީގެ ތެރޭގައި:
1. ބޭނުންކުރާ ހަތިޔާރު/ ޕައިރޯޓެކްނިކްސް : އޭ.ކޭ47، އެމް203، އާރު.ޕީ.ޖީ، 84 އެމްއެމް ކާލް ގުސްޓާވް
2. ވައިގެ ސަރަހައްދު ބޭނުންކުރާނެ އެންމެ ދުރުމިން: 4600 މީޓަރު
3. ވައިގެ ސަރަހައްދު ބޭނުންކުރާނެ އެންމެ އުސްމިން: 200 މީޓަރ
4. ވައިގެ ސަރަހައްދު ބޭނުންކުރާނެ އެންމެ ތިރިމިން: ސީ.ލެވެލް
5 .ވައިގެ ސަރަހައްދު ބޭނުންކުރާނެ ޑައިރެކްޝަން: ސ.ގަން ޓްރޭނިންގ ސެންޓަރުގެ ރޭންޖްއިން ހުޅަނގު ދެކުނު
އެހެންކަމުން މި ސަރަހައްދުން ކަނޑުދަތުރުފަތުރުކުރާ ފަރާތްތަކުން މިކަމަށް ސަމާލުކަން ދެއްވައިގެން ދަތުރުފަތުރު ކުރެއްވުމުގެ ކަންކަން ކުރިއަށް ގެންދިއުމަށް މިނިސްޓްރީއިން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
