ރަމަޟާން މަހަށް ސްކޫލް ދަރިވަރުންނަށް ހާއްސަ ބަސްތަކެއް އެމްޓީސީސީއިން ހަމަޖައްސައިފިއެވެ.

އެގޮތުން އެމްޓީސީސީއިން ބުނެފައިވަނީ ރަމަޟާން މަހުގެ ނިޔަލަށް، ރަސްމީ ބަންދު ނޫން ދުވަސްތަކުގައި R7 އަދި R8، މި 2 ރޫޓްގައި ސްކޫލް ކުދިންނަށް ހާއްސަ ކުރެވިފައިވާ ބަހެއް އޮންނާނެ ކަމަށެވެ.

އަދި މި ބަސް އޮންނާނީ ހެނދުނު 8:05 ގައި ދަތުރުކުރުމަށް، ހިޔާ ފްލެޓް ސްޕޮޓް 1 ގައި 07:50 އިން ފެށިގެން ތައްޔާރަށް ކަމަށެވެ.

މިއާއިއެކު R6 ރޫޓްގައި ސްކޫލް ދަރިވަރުންނަށް ހާއްސަކުރެވިފައިވާ ބަސް ތަކެއްވެސް ރަމަޟާން މަހުގެ ނިޔަލަށް އޮންނާނެ ކަމަށް ވެސް އެމްޓީސީސީއިން ބުނެފައިވެއެވެ. 

އަދި މި ބަސްތައް ހުޅުމާލެ 2 ވަނަ ފިޔަވަހިން ދަތުރު ކުރާނީ ހުޅުމާލެ ފިޔަވަހި 1 ގެ ސިންތެޓިކް ޓްރެކް ސްޓޮޕާއި، އަމިން އެވެނިއު ސްޓޮޕާއި، ފްލެޓް 120 ސްޓޮޕަށް އެކަނިކަމަށް އެމްޓީސީސީއިން ވަނީ ފާހަގަކޮށްފައެވެ.

މި ބަސްތަކުގައި ދަރިވަރުންގެ އިތުރުން ކޮންމެ ކުއްޖަކާއިއެކު 1 ބެލެނިވެރިޔަކަށް ދަތުރު ކުރެވޭނެއެވެ. 

އިތުރު މައުލޫމާތު ހޯދުމަށް ބޭނުންވާނަމަ އެމްޓީސީސީގެ ހޮޓްލައިން 1650 އަށް ގުޅުމަށް އެކުންފުނިން ވަނީ އެދިފައެވެ.