ސިޓީ ކައުންސިލްގެ އަޑު އެންމެ ފަހަރަކުނަމަވެސް އެހުމަށް މާލެ ސިޓީ ކައުންސިލް މޭޔަރ މުހައްމަދު މުއިއްޒު އެދި ވަޑައިގެންފިއެވެ.
މުއިއްޒު މިހެން އެދިފައިވަނީ އަމީނީ މަގު ތަރައްގީ ކުރުމުގެ މަޝްރޫއު ކުރިއަށް ދާގޮތާއިމެދު ހުރި ކަންބޮޑުވުން ފާޅުކުރައްވާ މިއަދު ކުރެއްވި ޓްވީޓެއްގައެވެ.
އެގޮތުން ޑރ. މުއިއްޒު ވިދާޅުވެފައިވަނީ އަމީނީމަގުގެ މަސައްކަތް ކުރިއަށް ދާގޮތުގެ ސަބަބުން ރައްޔިތުން ދަނީ ވަރަށް ބޮޑެތި ތަކްލީފުތަކެއް އުފުލަމުން ކަމަށާއި ނަފްސާނީ އަދި އިޖްތިމާޢީ އެތައް ގެއްލުމެއްވެސް ރައްޔިތުންނަށް ވަމުުންދާ ކަމަށެވެ.
މިކަންކަން ރައްޔިތުން ދަނީ ކައުންސިލާއި ޙިއްސާ ކުރަމުން ކަމަށްވެސް މުއިއްޒު ވިދާޅުވިއެވެ.
އެހެންކަމުން މޭޔަރ ވަނީ ސަރުކާރުން ސިޓީ ކައުންސިލްގެ އަޑު އެންމެ ފަހަރަކު ނަމަވެސް އެހުމަށް އެދިވަޑައިގެންފައެވެ.
އަމީނީ މަގުގެ ސެގްމެންޓް 5،6 އަދި 7 ގެ މަސައްކަތް ކުރުމަށްޓަކައި ގާކޮށި ފްލެޓްގެ ޕާކިން ޒޯނުން ފެށިގެން ރަށްދެބައި ހިނގުމާ ހަމައަށް ހޮނިހިރު ދުވަހުން ފެށިގެން ބަންދުކުރުމަށް ނިންމާފައިވާ ކަމަށް އާރްޑީސީއިން މިދިޔަ ބުރާސްފަތި ދުވަހު ވަނީ ބުނެފައެވެ.
އަމީނީ މަގުގެ ތާރު އަޅާ ނިމިފައިވާ ސަރަހައްދު އާންމުންނަށް ހުޅުވާލެވިފައި ވަނީ މިދިޔަ މަހުގެ ކުރީކޮޅުގައެވެ. އެއީ އަމީނީމަގުގެ ސެގްމަންޓް 1،2،3 ގައި ތާރު އަޅާފައިވާ ސަރަހައްދެވެ.
Advertisement
This content is created and paid for by advertisers and does not involve Voice Journalists
