"ޘާބިތު ޙައްޖު އެންޑް ޢުމްރާ" ގުރޫޕާއި އެކު ޢުމްރާއަށް ގޮސް އުޅުނު ދިވެއްސަކު ގެއްލިގެން ހޯދަން ފަށައިފި އެވެ. 

"ޘާބިތު ޙައްޖު އެންޑް ޢުމްރާ" ޖަމާޢަތުން ބުނީ، ގެއްލިގެން ހޯދަމުންދަނީ އެ ޖަމިއްޔާގެ ހަވާލުގައި ޢުމްރާއަށް ގޮސް އުޅުނު، ހއ. ހޯރަފުށީ، ނޫވިލާގެ، ފާޠިމަތު ވަޙީދާ ކަމަށެވެ. 

ފާތިމަތު ވަހީދާގެ އައިލާ އާއި ހަވާލާދީ "ޘާބިތު ޙައްޖު އެންޑް ޢުމްރާ" ގުރޫޕުން ބުނީ، އޭނާ ޢާއިލާގެ އެހެން ބޭފުޅުންނާއެކު ދަމުނަމާދަށް ދިއުމަށްފަހު، މޯބައިލް، ކާރޑު އަދި ދަބަސް ބޭއްވުމަށްފަހު ޢާއިލާގެ މެންބަރުންނާއި ދުރަށް ގޮސްފައިވަނީ ރޭ ގާތްގަނޑަކަށް 00:15 ގައި ކަމަށެވެ. އަދި އެ ދިޔަ ގޮތަށް އެނބު ހޮޓަލަށް އައިސްފައި ނުވާ ކަމަށާ، އެކަން އެ ގުރޫޕަށް ޢާއިލާގެ ފަރާތުން އެންގީ ރޭ ދަންވަރު 02:40 ގައި ކަމަށެވެ. 

Advertisement

އެ އެންގި ވަގުތުން ފެށިގެން އެ ގުރޫޕުން އޭނާ ހޯދުމުގެ މަސައްކަތް ކުރަމުންދާއިރު އަދިވެސް އޭނާ ނުފެންނަ ކަމަށް އެ ގުރޫޕުން ބުނެއެވެ. 

އެހެންކަމުން މައްކާގައި މިހާރު އުޅޭ އެއްވެސް މީހަކަށް އޭނާ ފެނިއްޖެ ނަމަ، އެ ގުރޫޕުގެ ހޮޓްލައިން، 0567066482 | 0540785217 | 0560878064 އަށް ގުޅައިގެން އެކަން އަންގައި ދިނުމަށްވެސް އެ ގުރޫޕުން ވަނީ އެދިފައެވެ.

ނަމާދަށް ދިޔައިރު ފާތިމަތު ވަހީދާ ލައިގެން ހުރީ ފިޔާތޮށިކުލައިގެ މާޖެހި ދަނބުކުލައިގެ ހެދުމަކާއި ކަޅުކުލައިގެ ބުރުގާއެއް ކަމަށް ޘާބިތު ޙައްޖު އެންޑް ޢުމްރާ ގުރޫޕުން މަޢުލޫމާތު ދެއެވެ.