ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު ޤާސިމް އިބްރާހީމް ދަރިންނާއި އެކު ފެނިގެންދާ ވީޑިއޯ އަކަށް ގިނަ ބައެއްގެ ތައުރީފު އޮހެން ފަށައިފި އެވެ. 

ގާސިމް އިއްޔެ ފޭސްބުކް ގައި ހިއްސާކުރައްވާފައިވާ މި ވީޑިއޯ އިން ފެންނަނީ އޭނާގެ ހަތަރު ދަރިން އޭނާ ފެނުމުން އުފަލުން ދުވެފައި އައިސް ބައްދާލާ މަންޒަރެވެ. ކުދިންނަށް އެ ކުދިންގެ ބައްޕަ ފެނުމުން އުފާވެފައިވާ މިންވަރާއި، އެކުދިން ބައްޕަ ދެކެ ލޯބިވާ މިންވަރު ވީޑިއޯ ބަލާލި ކޮންމެ މީހަކަށްވެސް ހާމަވެގެންދާއިރު, އެ ލޯބި ވީޑިއޯ ކޮޅުގައި ޖަހާފައި މަދަހައިން ވީޑިއޯ އަށް އިތުރު ފުރިހަމަ ކަމެއް ގެނެސްދެއެވެ.

އެގޮތުން، އަހުމަދު ރިފާއު ލިޔެފައިވާ ޅެމަކަށް ޢަލީ ރަމީޒު ކިޔާފައިވާ "ކުޑަ ކުޑަ ދަރިފުޅު ރޯލުމުން" މަދަހައިން ކިޔަމުންދާ ފަދައިން ގާސިމްގެ ދަރިން އޭނާ ގައިގައި ލޯބިން ބައްދާލާ މަންޒަރު ފެންނަ އިރު، އެއީ ވަރަށް ވެސް ލޯބި އަދި ހިތަށް ފިނިކަން ގެނުވާ މަންޒަރެއް ކަމަށް ގިނަ ބަޔަކު ވަނީ ސިފަކޮށްފައެވެ. 

Advertisement

ގާސިމް އަކީ އޭނާގެ ދަރިންނާއި އަނބިންދެކެ ނުހަނު ލޯބިވާ މީހެއް ކަމަށާ، އެއީ އޭނާ އަށް ލިބިފައިވާ އެންމެ ބޮޑު ނިޢުމަތް ކަމަށް ދާދިފަހުން ބޭއްވުނު ޖުމްހޫރީ ޕާޓީގެ ކޮންގްރެސް ގައިވެސްވެސް އޭނާ ވަނީ ވިދާޅުވެފަ އެވެ.

އެގޮތުން، ދުނިޔެމަތީގައި ލިބޭނެ އެންމެ ބޮޑު ނިޢުމަތަކީ އެއީ ކަމަށާ، އޭނާގެ ހުރިހާ ދަރިންނަކީވޭސް އަޚްލާޤް ރަނގަޅު ދަރިން ކަން ފާހަގަކޮށް އޭނާ ވަނީ އެކަމަށްޓަކައި الله އަށް ފަށްފަށުން ޝުކުރު ކުރާ ކަމަށް ވިދާޅުވެފައެވެ. އަދި އެފަދައިން ދަރިން ތަރުބިއްޔަތު ކުރާ ކަމަށްޓަކައި އޭނާގެ އަނބިންނަށް ވަނީ ޝުކުރު އަދާކުރައްވާފައެވެ.