ގދ. ފިޔޯރީގައި މި އަހަރުވެސް ފިޠުރު އީދުގައި ކުލަ ޖެހުން މަނާ ކޮށްފިއެވެ.
އެގޮތުން ފިޔޯރީ ރަށު ކައުންސިލުން މިއަދު ނެރެފައިވާ އިއުލާނެއްގައި ބުނެފައިވަނީ ފިޠުރު ޢީދުގައި ކުލަ ޖެހުމަކީ މާތްވެގެންވާ އިސްލާމްދީނާއި ދުރު ހިންދޫ ދީނުގެ މީހުން ކުރަމުންދާ ކަމެއް ކަމަށެވެ.
އެހެންކަމުން މިކަމަކީ އެރަށުގެ ގިނަ ރައްޔިތުންތަކެއް ވަރަށް ބޮޑަށް ނަފްރަތު ކުރާކަމެއްކަމަށް ވުމާއިއެކު، އެ ރަށު ކައުންސިލްގެ ޢާއްމު ޖަލްސާގައި ނިންމި ނިންމުމާއި އެއްގޮތަށް މިއަހަރު ފިޠުރު ޢީދުގައި ވެސް އެއްވެސް ހަރަކާތަކާއި ގުޅުވައިގެން އެރަށުގައި ކުލަ ޖެހުމަކީ މަނާކަމެއްކަމަށް އިއުލާނުގައި ބުނެފައިވެއެވެ.
މިއީ ފިޔޯރީގައި ޢީދު ދުވަހު ކުލަ ޖެހުން މަނާ ކުރާ ދެވަނަ އަހަރެވެ. މިދިޔަ އަހަރުވެސް އެރަށުގައި އެދުވަހު ކުލަ ޖެހުން އޮތީ މަނާ ކޮށްފައެވެ.
މިކަން ފާހަގަކޮށް މިދިޔަ އަހަރެކޭ އެއްފަދައިން މިއަހަރުވެސް ރަށުގެ ކުދި ބޮޑު އެންމެން މިކަމަށް އެއްބާރުލުން ދެއްވުމަށް ރަށު ކައުންސިލުން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
