އިސްލާމިކް މިނިސްޓްރީއިން 06 އޭޕްރީލް ގައި ކުރި އިއުލާނުގެ ދަށުން މިއަަހަރު ދިވެހިރާއްޖެއިން ޙައްޖަށް މީހުން ގެންދިޔުމަށް 3 ކުންފުންޏަކަށް ހުއްދަ ދީފިއެވެ.

މިނިސްޓްރީއިން މިއަދު ވަނީ މި ކުންފުނިތަކާއި ކުންފުނި ތަކަށް ހުއްދަ ދީފައިވަ އަގުތަކާ ކޯޓާގެ ތަފްސީލު ހާމަކޮށްފައެވެ.

ކުންފުނިތަކާއި އަގުތައް:

-އަލްހަރަމައިން ޙައްޖު އެންޑް ޢުމްރާ ކޮމްޕެނީ މޯލްޑިވްސް ޕްރައިވެޓް ލިމިޓެޑް: -/75250

-ސިސިލްފަރު ޙައްޖު އެންޑް ޢުމްރާ ޕްރައިވެޓް ލިމިޓެޑް: -/75465

-އަލްމަނާސިކް ޕްރައިވެޓް ލިމިޓެޑް: /-75000

މިއިން ކޮންމެ ކުންފުންޏަކަށް ހަމަޖެހިފައިވަނީ 90 ކޯޓާއެވެ.

ދިވެހިރާއްޖެއިން ޙައްޖަށް މީހުން ގެންދިޔުމާބެހޭ އުޞޫލުގެ 5 ވަނަ މާއްދާގެ (ށ) ގައިވާ ގޮތުގެ މި ކުންފުނިތަކަށް ހުއްދަ ދީފައިވަނީ 1 އަހަރު ދުވަހުގެ މުއްދަތަކަށް ކަމަށް މިނިސްޓްރީއިން އިއުލާނުގައި ބުނެފައިވެއެވެ.

މިއާއިއެކު ހުއްދަ ދީފައިވާ އަގަށްވުރެ އިތުރަށް ކުންފުނިތަކުން ފައިސާ ނެގުމާއި، ކުންފުނިތަކަށް ފައިސާ ދެއްކުމާއި، ހުއްދަ ދީފައިވާ ކޯޓާއަށްވުރެ އިތުރަށް މީހުން ޙައްޖަށް ގެންދިޔުމަށް އެއްވެސް ފަރާތަކުން ފައިސާ ނެގުމަކީ ދިވެހި ރާއްޖެއިން ހައްޖަށް މީހުން ގެންދިޔުމާއި ބެހޭ އުސޫލުގެ ދަށުން މަނާކަމެއް ކަމަށް މިނިސްޓްރީއިން ވަނީ ފާހަގަކޮށްފައެވެ.