ރައީސް ޔާމީންގެ އަތް ކަނޑައި އިތުރު 100 އަހަރަށް ޖަލަށް ލާންޖެހޭ ކަމަށް ރައްޔިތުންގެ މަޖިލީހުގެ އިހަވަންދޫ ދާއިރާގެ މެންބަރު މުހައްމަދު ޝިފާއު ވިދާޅުވެއްޖެއެވެ.
ޝިފާއު މިހެން ވިދާޅުވެފައިވަނީ މަޖްލިސް ގްރޫޕްގައި ޗާގޯސް މައްސަލައާއި ގުޅިގެން މެމްބަރުންގެ މެދުގައި ކުރެވުނު ބަހުސެއްގެ މެދުތެރެއިން ކުރެއްވި މެސެޖެއްގައެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުއާއި ގާތްގުޅުމެއް އޮންނަ ޝިފާއު އަކީ މީގެ ކުރިންވެސް ސަރުކާރު ދިފާއު ކޮށް މިފަދަ ވާހަކަތައް ދައްކާފައިވާ ބޭފުޅެއްކަން ފާހަގަކުރެވެއެވެ.
ޝިފާއު މިއަދު މިހެން ވިދާޅުވެފައިވާއިރު ރޭ އިދިކޮޅުން ބޭއްވި ނޫސްވެރިންގެ ބައްދަލުވުމުގައި އެކޯލިޝަނުން ވަނީ ރައީސް ޔާމީންގެ ޖަލުގައި ކެމެރާ ހަރުކޮށްގެން ފޯނުން ބަލާ ކަމަށް ތުހުމަތު ކޮށްފައެވެ.
މިއާއިއެކު ރައީސް ޔާމީންއާ ޒާތީވެފައިވާ މީހަކު ބަލަހައްޓާ ޖަލެއް ކަމުގައި ވެފައި ޖަލު ބަލަހައްޓާ މީހުން މެދުވެރިކޮށް ވެސް ރައީސް ޔާމީނަށް އެކި ގޮތްގޮތުން ދުއްތުރާ ކުރަން މަސައްކަތް ކުރާ ކަމަށް ބުނެ އެޕާޓީއިން ވަނީ ކަންބޮޑުވުން ފާޅުކޮށްފައެވެ.
Advertisement
This content is created and paid for by advertisers and does not involve Voice Journalists
