އައްޑޫ ސިޓީގެ ނޭޗަރ ޕާރކަށް ބޭނުންވާ 02 ބަގީ އަދި 20 ބައިސްކަލް ސަޕްލައިކޮށްދޭނެ ފަރާތެއް ހޯދުމަށް ބީލަމަށް ހުށަހެޅުމަށް އައްޑޫ ސިޓީ ކައުންސިލުން ހުޅުވާލައިފިއެވެ.

އެގޮތުން އައްޑޫ ސިޓީ ކައުންސިލުންމިކަމާއި ގުޅިގެން ޝާއިއު ކޮށްފައިވާ އިއުލާނުގައި ބުނެފައިވަނީ މިމަސައްކަތަށް ދައުވަތު ހުޅުވާލެވިފައިވަނީ ދިވެހިރާއްޖޭގައި މިބާވަތުގެ ވިޔާފާރިކުރުމަށް ރެޖިސްޓްރީ ކުރެވިފައިވާ ފަރާތްތަކަށް ކަމަށެވެ.

އެހެންކަމުން މި މަސައްކަތަށް ޝައުގުވެރިވާ ފަރާތްތަކުން އެއިދާރާގެ ޕްރޮކިއުމަންޓް ޔުނިޓަށް ބީލަން ހުށަހަޅާ ފަރާތުގެ މައުލޫމާތު މެއިލްކޮށްގެން ބިޑް ހުށަހެޅުމަށް ރަޖިސްޓްރީކުރުމަށް، މިއަދު 11:00 ފެށިގެން 14 މޭ ވާ އާދީއްތަ ދުވަހުގެ 14:00 އާއި ހަމަޔަށް ، ހުޅުވާލެވިފައިވާ ކަމަށް ކައުންސިލުން ވަނީ ބުނެފައެވެ.

މެއިލްކުރަންޖެހޭ މައުލޫމާތުގެ ގޮތުގައި އެ އިދާރާއިން ފާހަގަކޮށްފައިވަނީ ކުންފުނި ނުވަތަ ވިޔަފާރީގެ ނަން، ފޯން ނަންބަރު އަދި މެއިލް އެޑްރެސްއެވެ.

މި މުއްދަތުގެ ތެރޭގައި ބީލަމުގައި ބައިވެރިވުމަށް ރަޖިސްޓްރީކުރާ ފަރާތްތަކަށް މަސައްކަތާއި ގުޅޭ މައުލޫމާތު ޝީޓް އަދި ބިޑް ފޯމް ސޮފްޓްކޮޕީ ފޯރމެޓްގައި މެއިލްކުރެވޭނެ ކަމަށް ކައުންސިލުން ވަނީ ބުނެފައެވެ.

މިއާއިއެކު ބީލަންތައް ބަލައިގަތުމާއި، އަދި ބީލަން ހުޅުވުން އޮންނާނީ މޭ 21 ވާ އާދީއްތަ ދުވަހުގެ 10:30 ގައި އައްޑޫ ސިޓީ ކައުންސިލް އިދާރާގައި ކަމަށް އެ އިއުލާނުގައި ވަނީ ފާހަގަކޮށްފައެވެ.

މީގެ އިތުރުން ގަޑިޖެހުމަށްފަހު ހުށަހަޅާ ބިޑުތައް ބަލައިނުގަނެ އަނބުރާ ރައްދުކުރެވޭނެ ކަމަށް ކައުންސިލުން ވަނީ ފާހަގަކޮށްފައެވެ.

އިތުރު މަޢުލޫމާތު [email protected] މި އެޑްރެހުން ލިބިވަޑައިގަންނަވާނެ ކަމަށް ކައުންސިލުން ބުނެފައިވެއެވެ.