ޏ.ފުވައްމުލަކަށް ނިސްބަތްވާ ޒުވާނަކު ގެއްލިގެން ހޯދުމުގެ މަސައްކަތް ފުލުހުން ފަށައިފިއެވެ.

ދިވެހި ފުލުހުންގެ ހިދުމަތުން ބުނީ، ގެއްލިގެން ހޯދަމުން ދަނީ ޏ. ފުވައްމުލައް / ދޫޑިގަން، ރަންދެލިގެ ހަސަން ޖަމީލް (30އ)އެވެ. އޭނާގެ ހަބަރެއް ނުވެ އާއިލާއަށް ގެއްލިފައިވާ ކަމަށް 9 މޭއިގައި ފުލުހުންނަށް ރިޕޯޓުކޮށްފައިވާ ކަމަށާ، އެއާއެކު އޭނާ ހޯދުމުގެ މަސައްކަތް ފަށާފައިވާ ކަމަށް ފުލުހުން ބުނެފައިވެއެވެ.

ފުލުހުން އިތުރަށް ބުނީ، އެންމެފަހުން ހަސަން ޖަމީލްގެ ޚަބަރެއް ޢާއިލާއަށް ވެފައިވަނީ މެއި 7 ވަނަ ދުވަހުގައި ކަމަށާއި އެ ދުވަހު އޭނާ ބުނެފައިވާ ގޮތުގައި އޭނާ ހުރީ މާލޭގައި ކަމަށެވެ.

ހަސަން ޖަމީލްގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ފުވައްމުލައް ޕޮލިސް ސްޓޭޝަންގެ 9792803 އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިފައެވެ.