ހދ. ކުޅުދުއްފުށީ ގެއެއްގެ ފާހަނަ ތެރޭގައި ނިޔާވެފައި އޮތް މީހަކު ފެނިއްޖެއެވެ.

ފުލުހުންގެ މީޑިއާ އޮފިޝަލް ވިދާޅުވީ ކުޅުދުއްފުށީ މީހަކު ފާހަނައަށް ވަދެ ނުނިކުމެ، ޚަބަރެއް ނުވެ ގިނައިރުވެގެން ބެލިއިރު ފާހަނަ ތެރެއަށް ވެއްޓިފައި އޮތުމުން ހޮސްޕިޓަލަށް ގެންގޮސްފައިވާ ކަމަށް މިއަދު 10:30 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

އަދި ކުޅުދުއްފުށީ ރީޖަނަލް ހޮސްޕިޓަލަށް ގެންދިޔައިރު ވެސް މީހާ ނިޔާވެފައިވާ ކަމަށް ހޮސްޕިޓަލާއި ހަވާލާދީ ފުލުހުން ވިދާޅުވިއެވެ.

Advertisement

މީގެ އިތުރުން މީޑިއާ އޮފިޝަލް ވިދާޅުވީ ނިޔާވެފައި ވަނީ 48 އަހަރުގެ ދިވެހި ފިރިހެނެއް ކަމަށާ، އެ މައްސަލަ ތަހުގީގު ކުރަމުންދާ ކަމަށެވެ.