ހުޅުމާލެ އާއި މާލެ ގުޅުވައިދޭ ހައިވޭގައި ހިނގި އެކްސިޑެންޓެއްގައި މީހަކު ނިޔާވެއްޖެއެވެެ.

ފުލުހުން ބުނީ ހައިވޭގައި ސަައިކަލަކާއި ޕިކަޕެެއް ޖެހި އެކްސިޑެންޓެއް ހިނގައިފައިވާ ކަމަށް ރޭ 12:04 ގައި ފުލުހަށް ރިޕޯޓުކޮށްފައިވާ ކަމަށެވެ.

އަދި އެކްސިޑެންޓްގައި ޝާމިލްވި ސައިކަލު، ދުއްވަން އިނީ 43 އަހަރުގެ ފިރިހެނެއްް ކަމަށާއި، އެކްސިޑެންޓުވެ ޓްރީޓޮޕް ހިސްޕިޓަލަށް ގެންދެވުނު އިރުވެސް އެމީހާ ވަނީ ނިޔާވެފައި ކަމަށް ފުލުހުން ބުނެފައިވެއެވެ.

މި ހާދިސާ މިހާރު ތަހްޤީޤް ކުރަމުންދާ ކަމަށްވެސް ފުލުހުން ވަނީ ބުނެފައެވެ.

މިއަހަރުގެ ފުރަތަމަ ކުއާޓަރުގައި 536 އެކްސިޑެންޓެއް ވަނީ ހިނގައިފައެވެ. އަދި 77 މީހަކަަށް އަނިޔާވެފައި ވެއެވެ. އަދި އެފަދަ ހާދިސާތަކުގެ ސަބަބުން ގިނަ ބަޔަކު ޖޫރިމަނާ ކުރެވިފައި ވެއެވެ.