2021 ވަނަ އަހަރު ލ. ގަމުން ދޫކުރި 400 ގޯތީގެ ސައިޒަށް ބަދަލު ގެނެސް 4000 އަކަ ފޫޓަށް ބޮޑު ކުރުމަށް ނިންމާފިއެވެ.

މިކަމާއި ގުޅިގެން އެރަށުގެ ކައުންސިލުން މިއަދު ކޮށްފައިވާ އިއުލާނުގައި ބުނެފައިވަނީ އެ އިދާރާއިން 2021 ވަނަ އަހަރު ދޫކުރެވިފައިވާ 2000 އަކަފޫޓުގެ 400 ގޯތީގެ ހާލަތަށް ބަދަލު ގެނެސްފައިވާ ކަމަށެވެ.

އެގޮތުން ކައުންސިލްގެ މި ދައުރުގެ ތެރޭގައި 4000 އަކަފޫޓަށް ގޯތިތަށް ބޮޑުކުރުމަށް ނިންމާ, މި ގޯތިތައް އެފަރާތްތަކަށް ހަވާލު ކުރުމުގެ އެންމެ ފަހުގެ ތައްޔާރީތައް ވެވިފައިވާ ކަމަށް އެ ކައުންސިލުން ވަނީ ބުނެފައެވެ.

Advertisement

އެހެންކަމުން މިކަމާއި ގުޅިގެން އެއްވެސް ފަރާތަކުން ޝަކުވާއެއް ވާނަމަ, 14 ޖޫން ވާ ބުދަ ދުވަހު 14:00 ގެ ކުރިން އެކަމެއްގެ ސާފު މައުލޫމާތު އެނގޭނެހެން ގަމުގެ ކައުންސިލް އިދާރާއަށް ލިޔުމުން ހުށަހެޅުއްވުމަށް އިއުލާނުގައި ވަނީ އެދިފައެވެ.

ލ. ގަމުން އެންމެ ފަހުން ގޯތި ދޫކޮށްފައިވަނީ 2007 އަހަރުގެ ކުރީ ކޮޅުއެވެ.