ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ރަސްމީ ދަތުރުފުޅެއްގައި އައްޑޫ ސިޓީ އަށް މިއަދު ވަޑައިގަންނަވާނެ ކަމަށް ރައީސުލްޖުމްހޫރިއްޔާގެ އޮފީހުގެ ތަރުޖަމާން މިއުވާން މުހައްމަދު ވިދާޅުވެއްޖޖެއެވެ.

އެގޮތުން މިކަމާއި ގުޅިގެން މިއުވާން މިއަދު ކުރެއްވި ޓްވީޓުގައި ވިދާޅުވީ އައްޑޫ ސިޓީ އަށް ރައީސް ޒިޔާރަތް ކުރައްވާނީ މި މަހު 3 އަކުން 5 ކަށް ކަމަށެވެ.

މިއާއިއެކު މި ޒިޔާރަތަކީ މަރަދޫ އާއި ހަންކެނޑެ ސަރަހައްދުގެ ބިން އިތުރުކުރާ މަޝްރޫއާއި ގަން އިންޓަރނޭޝަނަލް އެއާޕޯޓްގެ މަސައްކަތް އިފްތިތާހު ކޮށްދެއްވުމަށް ކުރައްވާ ދަތުރުފުޅެއް ކަމަށް މިއުވާން ވިދާޅުވިއެވެ.

އައްޑޫ ސިޓީއަށް މިއަދު ޒިޔާރަތް ކުރެއްވުމަށް ރައީސް ނިންމަވާފައިވާއިރު މިދިޔަ ހަފްތާގައި އެމަނިކުފާނު ވަނީ ފ އަތޮޅުގެ ރަށްތަކަށް ވެސް ޒިޔާރަތް ކުރައްވާ އެ ރަށްތަށުގެ ހާލަތު ގާތުން ބައްލަވާފައެވެ.

އެގޮތުން ރައީސްް ޒިޔާރަތްކުރެއްވާފައިވަނީ ފ އަތޮޅު ނިލަންދޫ، ދަރަނބޫދޫ، މަގޫދޫ، ބިލެއްދޫ، އަދި ފީއައްޔަށެވެ.