ހުޅުމާލެ ނިރޮޅު މަގުން ދުއްވާފަ ދިޔަ ކާރެއް ޕާކް ކޮށްފައިހުރި ސައިކަލް ތަކެއްގައި ޖެހި އެކްސިޑެންޓެއް ހިނގާފިއެވެ.

އެގޮތުން މި ހާދިސާއާއި ގުޅިގެން ފުލުހުން ބުނެފައިވަނީ އެކްސިޑެންޓް ހިނގާފައިވާ ކަމުގެ ރިޕޯޓް ކޮށްފައިވަނީ ރޭ 20:52 ހާއިރު ކަމަށެވެ.

މި އެކްސިޑެންޓްގައި މީހަކަށް އަނިޔާއެއް ނުވި ނަމަވެސް ކާރުން ޖެހުނު 6 ސައިކަލްއާއި ބައިސިކަލް އަކަށް އެކިވަރުގެ ގެއްލުން ވެފައިވާ ކަމަށް ފުލުހުން ވަނީ ބުނެފައެވެ.

މިއާއިއެކު މި އެކްސިޑެންޓްގެ މައްސަލަ ތަހްގީގު ކުރަމުންދާ ކަމަށް ފުލުހުން ވަނީ ފާހަގަކޮށްފައެވެ.