ރައްޔިތުންގެ މަޖިލީހުގެ ކޮމިޓީތައް އެކުލަވާލުން މަޑުޖައްސާލަން އަމީން އާންމު ފާތިމަތު ނިއުޝާގެ އަރިހުން އެދި ނުލައްވާކަމަށް އެމްޑީޕީގެ ޕާލިމެންޓްރީ ގްރޫޕުގެ ލީޑަރު މުހައްމަދު އަސްލަމް ވިދާޅުވެއްޖެއެވެ.

މަޖިލީހުގެ ކޮމިޓީތައް އެކުލަވާލާފައި ނުވާތީ މަޖިލީހުގެ ނައިބު ރައީސް، އީވާ އަބްދުالله ވަކި ކުރަން ހުށަހެޅި މައްސަލަ ގަވައިދުގެ މަތިން މަޑު ޖައްސާލާފައިވާކަމަށް ނިއުޝާ ވަނީ މެމްބަރުންނަށް އަންގާފައެވެ. އެއާއި އެކީ، ކޮމިޓީތައް ބޭއްވުމަށާއި އިތުބާރު ނެތް ކަމުގެ މައްސަލަ ކުރިއަށް ނުގެންގޮސް މަޖިލީހުގެ އެހެން މަސައްކަތެއް ނުކުރެވޭނެ ކަމަށް ވިދާޅުވެ، އަސްލަމް ވަނީ ނިއުޝާއަށް ސިޓީއެއް ފޮނުވާފައެވެ.

އެ ސިޓީގެ ޖަވާބުގައި ނިއުޝާ ވިދާޅުވީ، މަޖިލީހުގައި ސިޔާސީ ޕާޓީތަކަށް މެންބަރުން ބެހިފައިވާ ގޮތަށް އައި ބަދަލާ އެކު، ކޮމިޓީތައް އަލުން އެކުލަވާލުމަށް ވޯޓަށް އެހުން މިިދިޔަ މަހުގެ 23 ވަނަ ދުވަހު ބޭއްވި ޖަލްސާގެ ވޯޓު ގަޑީގައި އޮންނާނެކަން މަޖިލީހުގެ ރައީސް މުހައްމަދު ނަޝީދު އެ ދުވަހު އިއުލާން ކުރެއްވި ކަމަށާއި ނަމަވެސް އެކަން މަޑުޖައްސާލީ އަސްލަމްގެ އެެދިވަޑައިގަތުމަށް ކަމަށް ނިއުޝާ ވިދާޅުވިއެވެ.

Advertisement

ނިއުޝާގެ އެ ސިޓީގެ ޖަވާބުގައި އަސްލަމް ފޮނުއްވި ސިޓީގައި ވިދާޅުވީ، ރައްޔިތުންގެ މަޖިލީހުގެ ކޮމިޓީތަކަށް މެންބަރުން އައްޔަނުކުރުމުގައި ސިޔާސީ ޕާޓީތަކުގެ މެޖޯރިޓީ ލީޑަރުންނާއި މައިނޯރިޓީ ލީޑަރުންގެ މަޝްވަރާ ހޯދަންވާނެކަމަށް ރައްޔިތުންގެ މަޖިލީހުގެ ގަވާއިދުގައި ބަޔާންކޮށްފައިވާ ކަމަށެވެ. ނަމަވެސް އެފަދައިން މަޖިލީހުން ކަން ކުރައްވާފައި ނުވާ ކަމަށާ، މެޖޯރިޓީ ލީޑަރުގެ ހައިސިއްޔަތުން އެކަމުގައި ބަސްބުނުމުގެ ފުރުޞަތު އޭނާއަށް ނުދެއްވައި، އެމްޑީޕީގެ %64 މެޖޯރިޓީ މަޖިލީހުގައި އޮވެމެ، މަޖިލީހުގެ ކޮމިޓީތަކުގެ މެޖޯރިޓީ އެޕާޓީއަށް ގެއްލޭގޮތަށް ކޮމިޓީތައް ތަރުތީބުކުރުމުގެ މަސައްކަތް ކުރިއަށް ނުގެންދިއުމަށް މަޖިލީހުގެ އިދާރާގައި އެދިލެއްވި ކަމަށް އަސްލަމް ވިދާޅުވި އެވެ.

"އަޅުގަނޑުގެ އެނިންމުމަށް އެއްވެސް ބަދަލެއް އައިސްފައިނުވާކަމުގައި ދަންނަވަމެވެ. އެހެން ނަމަވެސް، އެއީ މަޖިލީހުގެ ކޮމިޓީތައް ހުއްޓުވާލަން ބޭނުންކުރައްވާ އުޒުރުކަމަށް މަތީގައި ޙަވާލާދީފައިވާ ސިޓީގައި ވިދާޅުވެފައިވާތީ ހިތާމަކުރަމެވެ."

މީގެ އިތުރުން އަސްލަމް ވިދާޅުވީ، މަޖިލީހުގެ ދާއިމީ ކޮމިޓީތަކަށް މެންބަރުން އިންތިޚާބުކުރުމަށްފަހު، ރައްޔިތުންގެ މަޖިލީހުގެ ދާއިމީ ކޮޓީތައް އަބަދުވެސް ދެމި އޮންނާނެކަން ރައްޔިތުންގެ މަޖިލީހުގެ ގަވާއިދުގެ 106 ވަނަ މާއްދާގައި ސާފުކޮށް ބަޔާންކޮށްފައިވާ ކަމަށެވެ.

"ރައްޔިތުންގެ މަޖިލީހުގެ މެންބަރުން ނިސްބަތްވާ ސިޔާސީ ޕާޓީއަށް އެކިފަހަރުމަތިން އައި ބަދަލުތަކާގުޅިގެން މީގެ ކުރިން މަޖިލީހުގެ އިދާރާއިން މަޖިލީހުގެ ކޮމިޓީތައް އެއްވެސް ފަހަރަކު ހުއްޓުވާލާފައިނުވާކަން ފާހަގަކުރަމެވ.ެ އަދި އެއިރުއައި ބަދަލުތައް ހަމަޖެއްސުމުގެ މަރުހަލާ ހިނގަމުން ދިޔައިރު, މަޖިލީހުގެ ކޮމިޓީތަކުގެ މަސައްކަތްތައް ހުއްޓުމެއްނެތި ކުރިއަށް ދިޔަކަންވެސް ފާހަގަކުރަމެވެ." އަސްލަމްގެ ސިޓީގައި ވެއެވެ. 

އެހެންކަމުން، އާއްމުކޮމިޓީގެ މަސައްކަތްތައް އެކޮމިޓީގައި މިވަގުތު ތިއްބެވި މެމްބަރުންނާއެކު ކުރިއަށް ގެންގޮސް، އެ ކޮމިޓީގެ ބައްދަލުވުމެއް ބާއްވައި ރައްޔިތުންގެ މަޖިލީހަށް ހުށައެޅިފައިވާ މިނިސްޓަރ އޮފް ފޮރިން އެފެއާޒް އަބުދުالله ޝާހިދު ގެ އިތުބާރު ނެތް ކަމުގެ މައްސަލަޔާއި ރައްޔިތުންގެ މަޖިލީހުގެ ނައިބުރައީސް ގަލޮޅު އުތުރު ދާއިރާގެ މެމްބަރު އީވާ އަބުދުالله ގެ އިތުބާރު ނެތްކަމުގެ ގަރާރަށް ބަހުސްކުރާނެ ވަގުތު ކަނޑައަޅައި ދެއްވުމަށް އަސްލަމްވަނީ އެދިލައްވާފައެވެ. 

ރައްޔިތުންގެ މަޖިލީހުގެ ގަވާއިދުގެ 205 ވަނަ މާއްދާގެ (ނ) ގައި ރައްޔިތުންގެ މަޖިލީހުގެ ރައީސް އަދި ނައިބު ރައީސްގެ އިތުބާރު ނެތްކަމުގެ ގަރާރެއް މަޖިލީހަށް ލިބުމުން އެގަރާރުގެ ލިޔުންލިބޭތާ މަދުވެގެން 3 ދުވަހުގެ ތެރޭގައ،ި އެގަރާރުގެ ނޯޓިސް އަމީން ޢާންމު މެމްބަރުންނަށާއި މަޖިލީހުގެ ރައީސަށް ނުވަތަ ނައިބު ރައީސަށް ދިނުމަށްފަހ،ު އެނޯޓިހުގެ ތާރީހުން ފެށިގެން 14 ދުވަހުގެ މުއްދަތު ދިނުމަށްފަހު އެއްމެ އަވަހަށް އަންނަ ރަސްމީ ބަންދުނޫން ދުވަހަކު ބާއްވާ ޖަލްސާއަށް އެގަރާރު ހުށައަޅަންވާނެ ކަމަށް ބަޔާންކޮށްފައިވެއެވެ. 

އެހެންކަމުން، 12 ޖޫން 2023 ވަނަ ދުވަހު ރައްޔިތުންގެ މަޖިލީހުގެ ނައިބުރައީސްގެ އިތުބާރު ނެތްކަމުގެ މައްސަލަ އެޖެންޑާކުރުން ގަވާއިދު ލާޒިމުކުރާކަމުގައި ވެސް އަސްލަމް ވިދާޅުވި އެވެ.

"އަދ،ި ރައްޔިތުންގެ މަޖިލީހުގެ ގަވާއިދުގައި އެމައްސަލަ އެޖެންޑާކުރުން އިސްތިސްނާކުރެވޭ އެއްވެސް ހާލަތެއް ބަޔާކޮށްފައިނުވާތ،ީ ގަވާއިދުގައި ބަޔާންކޮށްފައިވާ މުއްދަތުގައި ރައްޔިތުންގެ މަޖިލީހުގެ ނައިބުރައީސްގެ އިތުބާރު ނެތްކަމުގެ މައްސަލަ އެޖެންޑާކޮށްދެއްވުމަށް ދަންނަވަމެވެ." އަސްލަމް ވިދާޅުވި އެވެ..