ކ. ގުރައިދޫގައި ހުންނަ ގެންޑަރ މިނިސްޓްރީގެ ބެލުމުގެ ދަށުން ހިންގާ ހާއްސަ އެހީއަށް ބޭނުންވާ މީހުންގެ މަރުކަޒުގެ ބަލުމުގެ ދަށަށް ގެނައި ބަލި މީހެއްގެ އަތުން ގިނަ އަދަދެއްގެ ފައިސާ ވަގަށް ނަގައިފިއެވެ.

އެގޮތުން ބަލި އަތުން ގިނަ އަދަދެއްގެ ނަގުދު ފައިސާ ނެގުމުގެ އިތުރުން އެ ބަލި މީހާގެ އޭޓީއެމް ކާޑް ބޭނުންކޮށްގެންވެސް އެތަނުގެ މުވައްޒަފު މީހާ ވަނީ ފައިސާގެ މުއާމަލާތް ކޮށްފައެވެ.

މިކަމާއި ގުޅިގެން ޖެންޑަރ މިނިސްޓްރީއިން ބުނެފައިވަނީ މިފަދަ މައްސަލައެއް މިނިސްޓްރީގެ ސަމާލުކަމަށް އައިސްފައިވާތީ މައްސަލަ ބަލާ ނިމެންދެން މައްސަލައިގައި ތުހުމަތު ކުރެވިފައިވާ މުވައްޒަފު ވަނީ މަސައްކަތުން އެކަހެރިކޮށްފައި ކަމަށެވެ.

Advertisement

އަދި މައްސަލަ ބަލާ ނިމުމުން އޮންނަ އުސޫލުގެ ދަށުން މުވައްޒަފާއި މެދު ފިޔަވަޅު އަޅަން ޖެހޭނަމަ ސިވިލް ސަރވިސްގެ ޤަވާއިދާއި އެއްގޮތަށް މުވައްޒަފާއިމެދު ފިޔަވަޅު އެޅޭނެ ކަމަށް ވެސް ގެންޑަރ އިން ވަނީ ބުނެފައެވެ.

ބަލި މީހާގެ އަތުން ނެގި ޖުމްލަ ފައިސާގެ އަދަދާއި ފައިސާ ނެގި މުވައްޒަފުގެ ނަންް ގެންޑަރ މިނިސްޓްރީއިން ހާމަ ކޮށްފައެއް ނުވެއެވެ.