ރައްޔިތުންގެ މަޖިލީހުގެ ނައިބު ރައީސް އީވާ އަބްދުاللهގެ އިތުބާރު ނެތް ކަމުގެ މައްސަލަ މާދަމާގެ މަޖިލީހުގެ ޖަލްސާއަށް އެޖެންޑާކޮށްފިއެވެ.

މަޖިލިހުގެ މާދަމާގެ ޖަލްސާގެ އެޖެންޑާ އާއްމު ކޮށްފައިވާއިރު، އެޖެންޑާގައި އޮތް ހަމައެކަނި މައްސަލައަކީ އީވާގެ އިތުބާރު ނެތް ކަމުގެ މައްސަލައާ މެދުގައި ގޮތެއް ނިންމުމެވެ. 

މި މައްސަލަ އެޖެންޑާ ކޮށްފައި މިވަނީ މައްސަލަ ކުރިއަށް ގެންދާނެ ގޮތަކާއި މެދު ގިނަ މެންބަރުން ތަކެއްގެ ޚިޔާލުތަފާތު ވެފައި ވަނިކޮށްކަން ފާހަގަކޮށްލަންޖެހެއެވެ. އެގޮތުން، މަޖިލީހުގެ ރައީސް ނުވަތަ ނާއިބު ރައީސްގެ އިތުބާރު ނެތް ކަމުގެ މައްސަލަ އާއި މެދު ބަހުސް ކުރެވޭނީ އެކަމަށް އާއްމު ކޮމިޓީން ވަގުތު ކަނޑައެޅުމުންނެވެ. އަދި ނާއިބު ރައީސް އަށް ޖަވާބުދާރީ ވުމަށްވެސް ވަގުތު ކަނޑައަޅާނީ އެ ކޮމިޓީން ނެވެ. ނަމަވެސް، މަޖިލީހުގެ ނިސްބަތަށް އައި ބަދަލާއިއެކު، ކޮމިޓީގެ މަސައްކަތް ހުއްޓިފައިވާ ކަމަށް މެންބަރުން އަންނަނީ ބުނަމުންނެވެ. 

Advertisement

އަދި މީގެ އިތުރުން، މަޖިލީހުގެ ގަވާއިދުގައި ސާފުކޮށް ބަޔާންކޮށްފައިވާ ގޮތުގައި، ނާއިބު ރައީސްގެ އިތުބާރު ނެތް ކަމުގެ މައްސަލަ ކުރިއަށް ދާއިރު ރިޔާސަތުގައި އިންނަވާނީ މަޖިލީހުގެ ރައީސް އެވެ. ކަން މިހެން ހުރި އިރު، މަޖިލީހުގެ ރައީސް މުހައްމަދު ނަޝީދު ގެ އިތުބާރު ނެތްކަމުގެ މައްސަލަ އެއް މަޖިލީހަށް ވައްދާފައިވާތީ އެމަނިކުފާނު ވަނީ ރިޔާސަތު ބެލެހެއްޓެވުމަށް އުޒުރުވެރިވެވަޑައިގަންނަވާ ކަން މަޖިލީހަށް އަންގަވާފައެވެ.

މަޖިލީހުގެ ގަވާއިދަށް ބަލާނަމަ، ރައީސް ނެތި މި މައްސަލަ ކުރިއަށް ނުގެންދެވޭނެއެވެ. އެހެންކަމުން، އެޖެންޑާ ކުރި ނަމަވެސް މައްސަލަ ކުރިއަށް ގެންދިޔުމުގެ ފުރުސަތު ރިޔާސަތުގައި އިންނަވާ ފަރާތަށް އިދިކޮޅު މެންބަރުން ދެއްވާނެ ކަމަށް ނުބެލެވެއެވެ. 

އެހެނީ މާދަމާ މި މައްސަލަ ކުރިއަށް ގެންދަންވެސް، ރިޔާސަތުގައި އިންނަވާނީ ވިލިފުށި ދާއިރާގެ މެންބަރު ހަސަން އަފީފް ކަމަށް ބެލެވޭ އިރު، އޭނާ އަކީ މަޖިލީހުގެ ރައީސް އެއް ނޫނެވެ.