މާލެ ސިޓީގައި ހުރި ޕާކު ތަކާއި މައިޒާންތައް މަރާމާތު ކުރުމަށް ބޮޑަތި މަސައްކަތްތަކެއް މާލެ ސިޓީ ކައުންސިލުން ކުރަން ފަށައިފިއެވެ.
އެގޮތުން މާލެ ސިޓީގެ މައިޒާންތަކާއި ޕާކުތައް އާބާތުރަ ފިލުވުމުގެ ގޮތުން މުއިވެޔޮ މައިޒާނާއި، ރައިވެރިބޭ މައިޒާނާއި، އިސްކަންދަރު މައިޒާނުގައި އަންނަނީ މަރާމާތުގެ ބޮޑަތި މަސައްކަތް ކުރަމުންނެވެ.
މީގެ ތެރެއިން މުއިވެޔޮދޮށު މައިޒާނުގައި ކުޑަކުދިންނަށް ކުޅެވޭނެ އައު ސެޓެއް ހަރުކުރުމުގެ މަސައްކަތާއި ލައިޓްތައް ބަދަލުކުރުމުގެ މަސައްކަތް ސިޓީ ކައުންސިލުން އަންނަނީ ކުރަމުންނެވެ.
އަދި ރައިވެރިބޭ މައިޒާނާއި އިސްކަންދަރު މައިޒާނުގައި ހަލާކުވެފައި ހުރި ކުޑަކުދިން ކުޅޭ ސާމާނުތައް ބަދަލުކޮށް، އައު ކުޅޭ ސެޓު ބެހައްޓުމާއިއެކު ކުޑަ ކުދިން ކުޅޭ ސަރަހައްދުގައި ކާޕެޓް އެޅުމުގެ މަސައްކަތް ވެސް ކައުންސިލުން އަންނަނީ ކުރަމުންނެވެ.
މާލެ ސިޓީ ކައުނސިލުން ވަނީ މި މައިޒާންތައް މަރާމާތު ކުރަން ފަށާފައި ވަނީ 2015 ވަނަ އަހަރު މައިޒާންތައް ހުޅުވިފަހުން ފުރަތަމަ ފަހަރަށް ކަމަށް ފާހަގަކޮށްފައެވެ.
Advertisement
This content is created and paid for by advertisers and does not involve Voice Journalists
