މާލެއަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށް ސަރުކާރުން ހުޅުވާލި "ބިންވެރިޔާ ސްކީމް" އަށް ހުށަހަޅައިފައިވާ ފޯމްތަކުގެ ތެރެއިން ޝަރުތު ހަމަނުވާ ފޯމްތަކުގެ އަދަދަކީ 2370 ކަމަށް ހައުސިންގ މިނިސްޓްރީއިން ހާމަކޮށްފިއެވެ.
އެގޮތުން މިއަދު ރައީސް އޮފީހުގައި ބޭއްވުނު ނޫސްވެރިންގެ ބައްދަލުވުމުގައި ވާހަކަދައްކަވަމުން ހައުސިންގ މިނިސްޓްރީގެ ބޭފުޅަކު ވިދާޅުވީ ބިންވެރިޔާ ސްކީމްގެ ދަށުން ގޯއްޗަށް ފޯމް ހުށަހަޅައިފައިވަނީ 23088 ފަރާތް ހިމެނޭ ގޮތަށް ޖުމްލަ 15164 ފޯމް ކަމަށެވެ.
މީގެ ތެރެއިން ޝަރުތު ހަމަނުވަނީ 3231 ފަރާތް ބައިވެރިވާހެން 2370 ފޯމް ކަމަށް މިނިސްޓްރީއިން ވަނީ ހާމަކޮށްފައެވެ.
ފޯމްތަކުގެ އަސާސީ ޝަރުތު ހަމަނުވާ ސަބަބުތަކުގެ ތެރޭގައި މިނިސްޓްރީއިން ފާހަގަކޮށްފައިވަނީ:
-އެމީހެއްގެ ނަމުގައި ސޯޝަލް ހައުސިންގ އޮތުން: 1830 ފަރާތް
-މާލެ ރަށްވެއްސަކަށް ނުވުން: 1526 ފަރާތް
-600 އަކަފޫޓަށްވުރެ ބޮޑު ބޯހިޔާވަހިކަމެއް މާލޭގައި އޮންނަ ފަރާތްތަކަށް ވުން: 620 ފަރާތް
-އާއިލާގެ ގުޅުމެއް ނެތް ފަރާތަކަށްވުން: 39 ފަރާތް
-18 އަހަރުން ދަށުގެ ފަރާތަކަށް ވުން: 1 ފަރާތް
Advertisement
This content is created and paid for by advertisers and does not involve Voice Journalists
