އައްޑޫ ސިޓީގައި ކުރިއަށްދާ ސަދަން ސްޕޯޓްސްގެ ފިރިހެން ވޮލީބޯޅަ މުބާރާތުގެ ތިންވަނަ މެޗުވެސް މީދޫ ވޮލީ ޓީމް އިން ކާމިޔާބުކޮށްފިއެވެ.

ރޭ ގަން ޕޮލިސް ކްލަބްއާއި ދެކޮޅަށް ފޭދޫ ވޮލީ ކޯޓުގައި ކުޅުނު މުބާރަތުގެ 5 ވަނަ މެޗު މީދޫ ވޮލީ ޓީމް އިން ކާމިޔާބު ކޮށްފައިވަނީ 0-3 ސެޓުންނެވެ.

އަދި މި މެޗުގެ މޭން އޮފް ދަ މެޗަކަށް ހޮވިފައިވަނީ މީދޫ ވޮލީ ޓީމްގެ ޖާރސީ ނަންބަރ 11، އަބްދުالله ސިމަން އެވެ.

މިއާއިއެކު ހަމަ ރޭ ކުޅުނު މުބާރަތުގެ 6 ވަނަ މެޗުގައި ޓީމް ވޯރިއަރސް އާއި ގުޑް ބަޑީސް ވާދަކޮށް، ޓީމް ވޯރިއަރސް އިން ވަނީ 0-3 ސެޓުން މެޗް ކާމިޔާބު ކޮށްފައެވެ.

އަދި މި މެޗްގެ އެންމެ މޮޅު ކުޅުންތެރިޔަކަށް ހޮވިފައި ވަނީ ޖާރސި ނަންބަރ 18، އަހްމަދު ފާޒިލް އެވެ.

މިއަދު ހަވީރު މުބާރާތުގެ މެއިން ސްޕްންސަރ ކަމަށްވާ ސީ ބްރީޒް ކެފޭގެ ދަށުން މުބާރާތުގެ 7 ވަނަ މެޗު ކުޅެވިގެން ދާނެއެވެ. މި މެޗުގައި ބައްދަލު ކުރާނީ ފޭދޫ ޓީމް އާއި ޓީމް ވޯރިއަރސް އެވެ.

މިއާއިއެކު މިރޭ 20:00 ގައި ފޭދޫ ވޮލީ ކޯޓުގައި މި މުބާރާތުގެ 8 ވަނަ މެޗު އޮންނައިރު މި މެޗުގައި ވާދަ ކުރާނީ ގަން ޕޮލިސް ކްލަބާއި ގުޑް ބަޑީސް އެވެ.

މި ވޮލީބޯލް މުބާރާތުގެ ކޯ ސްޕޮންސަރުންނަކީ ހެޕީ މާރކެޓް، ކޮންޓްރޯލް ޕީ، ސައުތު ފިއުލް ސަޕްލައި، އެސްޖޭ ކޮންސްޓްރަކްޝަން ސައުތު ޕާމް ރިސޯޓް އަދި ދިރާގުއެވެ.

އަދި މީޑިއާ ޕާރޓްނަރުންނަކީ ހުވަދޫ ނިއުސް އާއި ވޮއިސް އެމްވީ އެވެ.