ރައީސް ނަޝީދަށް ތާއީދުކުރައްވާ މަޖިލިސް މެމްބަރުންތަކެއް އިސްވެ ތިއްބަވައިގެން އުފައްދަވާ "ދި ޑިމޮކްރެޓްސް" ޕާޓީގެ މެނިފެސްޓޯ އެކުލަވާލުމުގެ މަސައްކަތް ފެށުމަށް ތައްޔާރު ވެއްޖެއެވެ.
މިކަމާއި ގުޅިގެން މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ކުރެއްވި ޓްވީޓެއްގައި ވިދާޅުވީ "މެނިފެސްޓޯ ވޯކްޝޮޕް" ގެ ބައްދަލުވުން އޮންނާނީ މިރޭ 20:30 ގައި ފުވައްމުލައް ސިޓީ ކައުންސިލްގެ ކުރުދުމާ މާލަމުގައި ކަމަށެވެ.
އަދި ލަތީފް ވަނީ އޭނާއާއިއެކު ކުރިއަށް ގެންދާ މި ބައްދަލުވުމުގައި ޑިމޮކްރެޓުންނަށް ތާއީދުކުރައްވާ ހުރިހާ ބޭފުޅުން ބައިވެރިވުމަށް ދައުވަތު އަރުވާފައެވެ.
"ދަ ޑިމޮކްރެޓްސް" ޕާޓީ އުފެއްދުމަށް ހުއްދަދޭން ނިންމައި އަންނަ އާދީއްތަ ދުވަހު އެ ހުއްދަ ދޭނެކަމަށް އިލެކްޝަންސް ކޮމިޝަނުގެ ނައިބުރައީސް ހުސައިން ހަބީބު ވަނީ ވިދާޅުވެފައެވެ.
އެހެންނަމަވެސް އެ ކޮމިޝަނުގެ މެންބަރަކު އެފަދައިން ވިދާޅުވެގެން އެ ވިދާޅުވާ ބަސްފުޅަށް އެއްވެސް އިތުބާރެއް ނެތް ކަމަށް ލަތީފު ވިދާޅުވެ އެޕާޓީއިން ވަނީ މައްސަލަ ސްޕްރީމް ކޯޓަށް ހުށަހަޅައިފައެވެ.
ދި ޑިމޮކްރަޓްސް ޕާޓީ އުފެއްދުމުގެ މަސައްކަތުގައި އިސްވެ ހަރަކާޓްތެރި ވަމުންދަނީ މަޖިލީހުގެ ރައީސް މުހައްމަދު ނަޝީދަށް ތާއީދު ކުރައްވާ ބޭފުޅުން ކަމަށްވާއިރު އެމަނިކުފާނު ވަނީ އެމްޑީޕީއިން ދާދި ފަހުން ވަކިވެ ވަޑައިގެންފައެވެ.
އެހެންނަމަވެސް އެޕާޓީއާއި އަދި ގުޅިވަޑައިގެންފައި ނުވީ ނަމަވެސް ގިނަ ބޔަކަު އަންނަނީ އެމަނިކުފާނު އެޕާޓީއާއި ގުޅިި ވަޑައިގެން އެޕާޓީގެ ރިޔާސީ ކެނޑިޑޭޓްގެ ގޮތުގައި ރިޔާސީ އިންތިޚާބަށް ނިކުންނަވާނެ ކަމަށް ބުނަމުންވެ.
Advertisement
This content is created and paid for by advertisers and does not involve Voice Journalists
