އެމްޑީޕީން ކެނޑިގެން، "ދަ ޑިމޮކްރެޓްސް" ގެ ނަމުގައި އައު ޕާޓީ އުފެއްދެވި މަޖިލިސް މެންބަރުން، ކޮމިޓީތައް ފެއްޓެވުމުގެ ގޮތުން ބިސްމި ކިޔަން ލަދުން ތިއްބަވާ ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެންބަރު މުހައްމަދު ނިހާދު ވިދާޅުވެއްޖެ އެވެ.
ނިހާދު މިހެން ވިދާޅުވެފައި ވަނީ، ޑިމޮކްރެޓްސް އުފައްދާ ޖަލްސާއަށް ދައުވަތު އަރުވައި، އެ ޕާޓީ އުފެއްދުމުގެ ހުއްދައަށް އެދިވަޑައިގެންނެވި ހެންވޭރު ހުޅަނގު ދާއިރާގެ މެންބަރު ހަސަން ލަތީފް، މީސްމީޑިއާގައި އާއްމު ކުރެއްވި ލިޔުމުގައި ބިސްމި ނެތުމުން އެކަމަށް ފާޑުވިދާޅުވެ ކުރެއްވި ޓްވީޓެއްގައެވެ.
އެގޮތުން ނިހާދު ވިދާޅުވީ، އެ ދައުވަތު އެރުވި ލިޔުމުގައި ބިސްމި ނެތުމުންވެސް އެ ޕާޓީގެ އަސްލު ސިފަ ހާމަވަމުންދާ ކަމަށެވެ.
ނިހާދު ވިދާޅުވީ ޑިމޮކްރެޓްސް ގެ މަޖިލިސް މެންބަރުންނަކީ ބިސްމި ކިޔަން ލަދު ގަންނަ ބައެއް ކަމަށެވެ. އެހެން ކަމުން އެފަދަ ބަޔަކު ބިސްމި ނުވެސް ލިޔާނެ ކަމަށްވެސް އޭނާ ވިދާޅުވި އެވެ.
ބިސްމި ކިޔަން ލަދު ގަންނަ ބަޔަކު، އަމުދަކުން ބިސްމި ނުވެސް ލިޔާނެ ދޯ؟ ކޮމިޓީތައް ފަށާއިރު މި މީސްމީހުން (ޑިމޮކްރެޓްސް މަޖިލިސް މެންބަރުން) ތިބޭނީ ބިސްމި ކިޔަން ލަދުން. އަދި ގިނަ ދުވަހު ނުކިޔާނެ.
މުހައްމަދު ނިހާދު
ނިހާދު އިތުރަށް ވިދާޅުވީ، މަޖިލީހުގެ ކޮމިޓީގެ ބައްދަލުވުންތައް ބަންގީގެ ވަގުތައް ހުއްޓާލަންވެސް ޑިމޮކްރެޓްސް މެންބަރުން ބޭނުން ނުވާ ކަމަށެވެ. އަދި އެ ހުރިހާ ކަމެއް، ކޮމިޓީތައް އަޑު އަހާލުމުން އެނގޭނެ ކަމަށް އޭނާ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
