ކުރީގެ ނާއިބު ރައީސް އަދި އެމްއެމްޕީއާރުސީ ޚިޔާނާތުގެ މުގުލުގައި ހުންނެވި އެކެއް ކަމުގައިވާ އަހުމަދު އަދީބުގެ އައިޖީއެމްއެޗްގައި ފަރުވާ ދޭން ފަށައިފިއެވެ.
އެގޮތުން އަދީބު އިސްވެ ހުންނަވާ ޕާޓީ، މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ) އިން މިރޭ 22:18 ގައި މިކަމާއި ގުޅިގެން ކުރި ޓްވީޓެއްގައި ބުނެފައިވަނީ އަދީބަށް ފަރުވާ ދެމުންދަނީ އައިޖީއެމްއެޗްގެ އެމާޖެންސީ ރޫމްގައި ކަމަށެވެ.
އަދި އެތަނުގެ މެޑިކަލް ޓީމް ދަނީ އަދީބުގެ ހާލަތު ވަރަށް ކައިރިން ބަލަމުން ކަމަށެވެ.
އެމްޓީޑީއިން ބުނެފައިވަނީ ސިއްހީ ގޮތުން ބަލަހައްޓަންޖެހޭ ކަންކަން ބެލުމަށާއި ދޭންޖެހޭ ފަރުވާއަށް އަދީބު މިހާރު ވަނީ އެ ހޮސްޕިޓަލުގައި އެޑްމިޓް ކޮށްފައި ކަމަށެވެ.
އަދި އަދީބުގެ ހާލަތާއި ގުޅޭގޮތުން އަޕްޑޭޓްސް ލިބޭ ވަރަކަށް އާންމުކުރަމުން ދާނެ ކަމަށް އެ ޕާޓީއިން ވަނީ ބުނެފައެވެ.
އެހެންނަމަވެސް އަދީބު ފަރުވާ ހޯދަމުންދަނީ ކީއްވެގެން ކަމެއް އެޕާޓީއިން ސާފު ކޮށްދީފައެއް ނުވެއެވެ.
އަދީބު އެޑްމިޓްކޮށްފައިމިވަނީ އޭނާ ރާއްޖެއިންބޭރަށް ފުރުވާލަން އުޅޭ ހަބަރު ގަދަވެފައިވަނިކޮށެވެ.
Advertisement
This content is created and paid for by advertisers and does not involve Voice Journalists
