ބަދުރުއްނަޞީރު ލިޔުއްވާފައިވާ ފޮތެއް ކަމަށްވާ "ދިވެހިރާއްޖޭގެ ރޭޑިއޯގައި އަޅުގަނޑުގެ ބައެއް ހަނދާންތައް" ކުރީގެ ރައީސް މައުމޫން އަބްދުލްޤައްޔޫމްގެ އަތްޕުޅަށް އަރުވައިފިއެވެ.
ބަދުރުއްނަޞީރުގެ މިފޮތަކީ މީލާދީން 1962 އިން 2011 ދިވެހިރާއްޖޭގެ އަޑުގައި ބަދުރުއްނަޞީރު ހޭދަކުރެއްވި މުއްދަތުގައި ކުރައްވާފައިވާ މުހިއްމު ކަންކަމާއި، ދިމާވެފައިވާ މުހިިއްމު ކަންކަމުގެ މައްޗަށް ލިޔުއްވާފައިވާ ފޮތެކެވެ.
މިފޮތް ރައީސް މައުމޫންގެ އަތްޕުޅަށް އެރުއްވުމުން އެމަނިކުފާނު ވަނީ ބަދުރުއްނަޞީރަށް ޝުކުރު އަދާ ކުރައްވާ ޓްވީޓެއް ކުރައްވާފައެވެ.
އެގޮތުން މި ޓްވީޓުގައި ރައީސް މައުމޫން ވަނީ ބަދުރުއްނަޞީރަކީ ލެޖެންޑަރީ ބްރޯޑްކާސްޓަރެއްގެ އިތުރުން ބްރޯޑްކާސްޓިންގ ކޮމިޝަންގެ ވެރިޔެއްގެ މަގާމު އަދާކުރައްވައި 40 އަހަރަށްވުރެ ގިނަ ދުވަހު ރޭޑީއޯ ޚިދުމަތުގައި އުޅުއްވި ބޭފުޅެއްގެ ގޮތުގައި ފާހަގަކުރައްވާފައެވެ.
އަދި ބަދުރު ނަޞީރުގެ ހަނދާންތަކުގެ ފޮތަކީ ހަގީގީ ޚަޒާނާއެއްގެ ގޮތުގައި އެމަނިކުފާނު ވަނީ ސިފަ ކުރައްވާފައެވެ.
ބަދުރު ނަޞީރަކީ ދިވެހިރާއްޖޭގެ އަޑަށް ދިގު މުއްދަތެއްގައި އަގުނުކުރެވޭފަދަ ގިނަގުނަ ޚިދުމަތްތަކެއް ކުރައްވައި، ރައްޔިތުންގެ ލޯތްބާއި އިޙްތިރާމް ހޯއްދަވާފައިވާ، ނިޝާން ދިޔަމިގިލީ ޝަރަފުގެ ޢިއްޒަތުގެ ވެރިކަމުގެ ލަޤަބް (ނ.ދ.ޝ.ޢ) ލިބިވަޑައިގެންފައިވާ ބޭފުޅެކެވެ.
Advertisement
This content is created and paid for by advertisers and does not involve Voice Journalists
