މި ސަރުކާރުން ކުނި މެނޭޖުކުރުމަށް 32 ރަށުގައި މަޝްރޫއުތައް ހިންގުމުގެ ނަމުގައި ގްރީން ފަންޑުން 30 މިލިއަންގެ ކޮރަޕްޝަނެއް ހިންގާފައިވާކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެންބަރު އިބްރާހީމް ރަޝީދު (ބޮންޑާ) ތުހުމަތު ކުރައްވައިފި އެވެ.
ކ މާފުއްޓަށް ދިމާވެފައިވާ ކުނީގެ މައްސަލަ ފެނިގެންދާ ވީޑިއޯއެއް ހިއްސާކުރައްވާ ބޮންޑާ ކުރެއްވި ޓްވީޓެއްގައި ވިދާޅުވީ މާފުށި ކުންޏާއި ވަސީލަތްތައް މެނޭޖުކުރާ މަރުކަޒު އަޕްގްރޭޑްކުރުމުގެ މަސައްކަތުގެ ނަމުގައި ގުރީންފަންޑުގެ ތެރޭން ދައުލުތަގެ ބަޖެޓުން އެތަކެއް މިލިއަން ރުފިޔާއެއް މިސަރުކާރުން ނަގާފައިވާއިރު އެ މަސައްކަތް ކުރަމުން ނުދާކަމަށެވެ.
ބޮންޑާ ހިއްސާކުރެއްވި އެ ވިޑީއޯގައި ކުނި އުކާލާނެ ނިޒާމެއް ނެތުމުގެ ސަބަބުން ކުނި މެނޭޖު ނުކުރެވި ބޮޑު ސަރަހައްދަކަށް ކުނި އަޅާ ފެންހެދިފައިވާ ތަން ފެނިގެން ދެއެވެ.
"ކުނި މެނޭޖްކުރުމުގެ ނަމުގައި ގުރީންފަންޑުގެ ތެރޭން ދައުލުތަގެ ބަޖެޓުން އެތަކެއް މިލިއަން ރުފިޔާއެއް މިސަރުކާރުން ނަގާފައިވާއިރު މާފުށި ކުންޏާއި ވަސީލަތްތައް މެނޭޖުކުރާ މަރުކަޒު އަޕްގްރޭޑްކުރުމަށް މިހާތަނަށް އެއްވެސްކަމެއް ކޮށްފައި ނުވާކަން ވެސް ފާހަގަކުރެވެއެވެ"
މެންބަރު އިބްރާހީމް ރަޝީދު (ބޮންޑާ)
ބޮންޑާ ވިދާޅުވީ މާފުށީގެ އިތުރުން ވެސް ޒޯނު ތިނެއްގައި ހިމެނޭ ކ. އއ. އދ. ވ. މި ހަތަރު އަތޮޅުގައި ހިމެނޭ 32 ރަށުގެ ކުނި މެނޭޖްކުރުމުގެނަމުގައި ގުރީންޓެކްސް ގޮތުގައި މީރާއަށް ރައްޔިތުން ދައްކާ ފައިސާ މި ސަރުކާރުން ގުރީންފަންޑަށް ޖަމާކޮށްގެން 30,840,000.00 ރުފިޔާ ހިމެނޭ ބޮޑު ކޮރަޕްޝަނެއް ހިންގާފައިވާ ކަމަށެވެ.
"ޒޯނު 3 ގައި ހިމެނޭ ކ. އއ. އދ. ވ. މި ހަތަރު އަތޮޅުގައި ހިމެނޭ 32 ރަށުގެ ކުނި މެނޭޖްކުރުމުގެނަމުގައި ގުރީންޓެކްސް ގޮތުގައި މީރާއަށް ރައްޔިތުން ދައްކާ ފައިސާ މި ސަރުކާރުން ގުރީންފަންޑަށް ޖަމާކޮށްގެން 30,840,000.00 ރުފިޔާ ހިމެނޭ ބޮޑު ކޮރަޕްޝަނެއް ހިންގާފައިވާކަމަށް ބެލެވޭ"
މެންބަރު އިބްރާހީމް ރަޝީދު (ބޮންޑާ)
އެކަން ކަން ފާހަގަކުރައްވާ ބޮންޑާ ވަނީ ގްރީން ފަންޑުން ސަރުކާރުން ހިންގަމުންދާ ކޮރަޕްޝަން ބެލުމަށް ކޮރަޕްޝަނާއި ގުޅުންހުރި މައްސަލަތައް ބެލުމަށް އޮންނަ އެންޓި ކޮރަޕްޝަން ކޮމިޝަނަށް ގޮވާލައްވާފަ އެވެ.
Advertisement
This content is created and paid for by advertisers and does not involve Voice Journalists
