ސަރުކާރުން މަސައްކަތް ކުރަމުންދަނީ މިހާރު ފެނާއި ނަރުދަމާފެ މަސައްކަތް ފަށާފައިވާ 141 ރަށުގެ މަސައްކަތް މި އަހަރު ތެރޭ ނިންމާލުމަށް ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ވިދާޅުވެއްޖެ އެވެ.
ރައީސް ޞާލިހު މިފަދައިން ވިދާޅުވެފައިވަނީ އެމަނިކުފާނަށް މ އަތޮޅަށް ކުރައްވާ ކެމްޕޭނު ދަތުރުފުޅުގައި އެ އަތޮޅު ނާލާފުށީ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުން ނެވެ.
އެގޮތުން ރައީސް ވިދާޅުވީ މިހާރު އެކުލަވާލާފައިވާ އެމްޑީޕީ ކޯލިޝަނުން ޤަބޫލުކުރަނީ ތަފާތުކުރުމެއް ނެތި ނުވތަ ަކުޑަ ރށެއް ބޮޑުރަށެއް ނުބަލާ އަސާސީ ޚިދުމަތްތައް ހުރިހާ ރައްޔިތުންނަށް ވެސް ފޯރުކޮށްދޭން ޖެހޭނެކަން ކަމަށެވެ.
މި ސަރުކާރުން ނާލާފުށީފައި ނެފާއި ނަރުދަމާގެ ނިޒާމު ޤާއިމް ކުރުމުގެ މަސައްކަތް ފަށާފައިވާނެ ކަމަށާއި، އެހެން ނަމަވެސް އެކި ސަބަބުތަކާއި ހުރެ މަސައްކަތް ލަސްވެގެން ގޮސްފައިވާކަން ފާހަގަކުރެވިފައިވާކަމަށް ރައީސް ޞާލިހުގެ ވާހަކަފުޅުފައި ފާހަގަކުރެއްވި އެވެ.
އެއާއެކު އެމަނިކުފާނު ވިދާޅުވީ ކުރިއަށް އޮތް ތަނުގައި އެ މަސައްކަތް އަވަސް ސްޕީޑުގައި ނިންމާނެ ކަމަށާއި، އޭގެ އިތުރުން ވެސް ސަރުކާރުން މިހާރު ފެނާއި ނަރުދަމާގެ މަސައްކަތް ފަށާފައިވާ 141 ރަށުގައި އެ މަޝްރޫއުތައް ނިންމާ މިއަހަރު ނިމުމުގެ ކުރިން ޚިދުމަތް ދެވެން ފެށުމަށް ސަރުކާރުން ހުރީ އަމާޒުހިފާފައި ކަމަށް ރައީސް ޞާލިހު ވިދާޅުވި އެވެ.
"އަޅުގަނޑުމެންގެ އަމާޒަކީ ރާއްޖޭގައި މިހާރު ފަށާފައި މިއޮތް 141 ރަށުގައި ފެނާއި ނަރުދަމާގެ ޚިދުމަތް ދިނުމަށް ފަށާފައި އޮތް މަސައްކަތް އިރާދަކުރެއްވިއްޔާ މި އަހަރުތެރޭގައި މުޅިން ނިންމާ ހުރިހާ ރައްޔިތުންނަށް އެ ޚިދުމަތް ފޯރުކޮށްދިނުން"
ރައީސް ޞާލިހު
ރައީސް ޞާލިހު ރިޔާސީ ކެމްޕޭނަށް މ އަތޮޅަށް ކުރައްވާ ދަތުރުފުޅުގައި މިއަދު އެންމެ ފުރަތަމަ ވަޑައިގަތީ ކޮޅުފުއްޓަށެވެ. އެފަހުން ދެން ވަޑައިގަތީ ނާލާފުއްޓަށެވެ.
އެ ދެރަށުން ވެސް ވަނީ ރައީސް ޞާލިހަށް ވަރަށް ހޫނު މަރުހަބާއެއް ދަންނަވާފަ އެވެ.
Advertisement
This content is created and paid for by advertisers and does not involve Voice Journalists
