ރައީސް އިބްރާޙިމް މުޙައްމަދު ޞާލިޙް ވ ފެލިދުއަށް ވަޑައިގެންފިއެވެ.
ރިޔާސީ އިންތިޚާބަށް ކެމްޕޭނު ކުރުމަށް ވ އަތޮޅަށާއި މ އަތޮޅަށް ރައީސް ޞާލިޙް ކުރައްވަމުންމިގެންދަވާ ދަތުރުފުޅުގައި މިއަދު ވަނީ ވ ރަކީދޫ އަދި ކެޔޮދުއަށް ވަޑައިގެންފައެވެ.
ރައީސް ޞާލިޙް ރަކީދޫ އަށް ވަޑައިގެން އެރަށު ބަނދަރު ހުޅުވައިދެއްވައިފައިވެއެވެ. އަދި އެރަށުގެ ގޮނޑުދޮށް ހިމާޔަތް ކުރުމަށް ކުރިޔަށް ގެންދިޔަ މަޝްރޫޢުގެ ނިމުން ވަނީ ފާހަގަކޮށްދެއްވައިފައެވެ.
މިމަހު 15 ދުވަހު ރައީސް މ އަތޮޅަށާއި ވ އަތޮޅަށް ފެއްޓެވި ދަތުރުފުޅުގައި އެމަނިކުފާނާއި އެމަނިކުފާނުގެ ޓީމުން ވަނީ މ. ކޮޅުފުށި، ނާލާފުށި، މުލި މުލަށް، ވޭވަށް، ރަތްމަންދޫ، ދިއްގަރު އަދި މަޑުއްވަރިއަށް ވަޑައިގެންފައިވެއެވެ.
ރައީސް ޞާލިޙް މ އަތޮޅުގެ ރަށް ރަށަށް ވަޑައިގެން ބައެއް ރަށްރަށުގައި ނިމިފައިހުރި ތަރައްޤީގެ މަޝްރޫޢު ތައް ވަނީ އިފްތިތާޙް ކޮށްދެއްވައިފައިވެއެވެ.
އެގޮތުން ކޮޅުފުށީ ފެނުގެ ނިޒާމް އިފްތިތާޙް ކޮށްދެއްވައިފައެވެ. އަދި އެރަށު ގޮނޑުދޮށް ހިމާޔަތްކުރުމުގެ މަސައްކަތް ނިމުންވެސް ވަނީ ފާހަގަ ކުރައްވައިފައެވެ. މީގެ އިތުރުން މ. އަތޮޅު މަދަރުސާގެ މަލްޓި ޕާޕޯސް ހޯލާއި އާ އަށް ކްލާސް ރޫމްގެ އިމާރާތް ހުޅުއްވައިދެއްވައިފައިވެއެވެ.
ނާލާފުއްޓަށް ވަޑައިގެން އެރަށު ފެނަކަ އިންޖީނުގެ ހުޅުވައިދެއްވައިފައިވެއެވެ. މުއްޔަށް ވަޑައިގެން އެރަށު ގައި ގާއިމް ކޮށްފައިވާ ފެނުގެ ނިޒާމްގެ ޢަމަލީ މަސައްކަތުގެ ނިމުން ފާހަގަ ކޮށްދެއްވައިފައިވެސް ވެއެވެ. އަދި މުލަކަށް ވަޑައިގެން އެރަށު ހެލްތް ސެންޓަރުގެ އެކްސްޓެންޝަން ހުޅުވައިދެއްވައިފައިވެއެވެ.
ވ. އަތޮޅަށް ރައީސް ކުރައްވާ ދަތުރުފުޅުގައި ވ. ރަކީދޫ، ކެޔޮދޫ، ފެލިދޫ، ތިނަދޫ އަދި ފުލިދޫއަށް ވަޑައިގަތުމަށް ވަނީ ހަމަޖެހިފަ އެވެ.
Advertisement
This content is created and paid for by advertisers and does not involve Voice Journalists
