ރައްޔިތުންގެ މަޖިލީހުގެ ނާއިބު ރައީސް، އީވާ އަބްދުاللهގެ ފިރިހެން ދަރިފުޅުގެ ފޮޓޯ ބޭނުންކޮށްގެން މީސްމީޑިއާ މެދުވެރިކޮށް އޭނާއަށް ބިރު ދައްކާ މައްސަލައެއްގައި މީހަކު ހައްޔަރު ކޮށްފިއެވެ.
ޓުވިޓާގައި ފޭކު އެކައުންޓެއް ހަދައިގެން، އީވާގެ ދަރިފުޅުގެ ބޭނުންކޮށް، އީވާއަށް ފުރައްސާރަ ކުރި މައްސަލަ އަކާއި ގުޅިގެން ދާދިފަހުން އޭނާ ވަނީ ނުރުހުން ފާޅުކުރައްވާފައެވެ.
އެގޮތުން، ސިޔާސީ މީހަކަށް ވީތީ އޭނާއަށް އަމާޒުކޮށް ފުރައްސާރަ ކޮށް، ބަހުގެ ހަމަލާތައް ދީފައި ވީނަމަވެސް، އެކަން ރިޕޯޓްކޮށް، އެކަމާއި ދެކޮޅަށް ވާހަކަ ދައްކާފައި ނުވާނެ ކަމަށް އޭނާ ވިދާޅުވި އެވެ.
އެހެންނަމަވެސް، އޭނާގެ ދަރިފުޅުގެ ފޮޓޯ ބޭނުންކޮށްގެން ކުރާ ފުރައްސާރަ ބަލައި ނުގަނެވޭނެ ކަމަށް ވިދާޅުވެ ދަރިފުޅު ގެ ރައްކަލަށްޓަކައި އެކަން ބަލައިދިނުމަށް އޭނާ ވަނީ ފުލުހުންގެ ކިބައިން އެދިފައެވެ.
އެކަމާއި ގުޅިގެން، ރޭ ފުލުހުންގެ މީޑިއާ އޮފިޝަލް ވިދާޅުވީ މި މައްސަލައިގައި ތުހުމަތު ކުރެވޭ މީހަކު ރޭ 22:34 ގައި ކޯޓު އަމުރެއްގެ ދަށުން ފުލުހުން ހައްޔަރުކޮށްފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
