އިދިކޮޅު ކެނޑިޑޭޓް ޑރ މުޙައްމަދު މުޢިއްޒާއި ޓީމު ތިލަދުން މައްޗަށް ކުރައްވާ ކެމްޕޭނު ދަތުރު ފުޅެއްގައި ފުރައި ވަޑައިގެންފިއެވެ.
މި ދަތުރުފުޅުގައި މިއަދު ހަނިމާދޫ، ނޮޅިވަރަމް އަދި ކުޅުދުއްފުއްޓަށް ވަޑައިގަތުމަށް ހަމަޖެހިފައިވާ ކަމަށް ޕީޕީއެމުން ބުނެއެވެ.
ކޮންމެ ރަށަކަށް ވަޑައިގެން އެރަށެއްގެ ރައްޔިތުންނާއި ބައްދަލު ކުރެއްވުމަށް ހަމަޖެހިފައިވާއިރު މިރޭ ކުޅުދުއްދުށީގައި ވަނީ ޖަލްސާ އެއް ބޭއްވުމަށް ވަނީ ހަމަޖެހިފައެވެ.
މި ދަތުރުފުޅުގައި ޕީޕީއެމް ޕީއެންސީގެ އިސް ލީޑަރުންނާއި ޑރ މުޢިއްޒުގެ ރަނިންގމޭޓު ފަރެސްމާތޮޑާ ދާއިރާގެ މެމްބަރު ހުސެއިން މުޙައްމަދު ލަތީފުވެސް ބައިވެރިވެ ވަޑައިގަންނަވައެވެ.
އިދިކޮޅު ކެންޑިޑޭޓު ތިލަދުން މައްޗަށް މިކުރައްވާ ދަތުރުފުޅު ތިން ދުވަހަށް ދިގުދެމިގެން ދާނެއެވެ.
ޑރ މުޢިއްޒުގެ ކެމްޕޭނު ފައްޓަވައި އެންމެ ފުރަތަމަ ކެމްޕޭނު ހަރަކާތް ކުރިއަށްގެންގޮސްފައިވަނީ ހިޔާ ފްލެޓް ސަރަހައްދުގައެވެ. އޭގެ ފަހުން އަލިމަސް ކާނިވަލުގައި ވަނީ ކެމްޕޭން ޖަގަހައެއް ހުޅުވައިފައެވެ.
Advertisement
This content is created and paid for by advertisers and does not involve Voice Journalists
