ރައީސް ޞާލިހަށް ދެވަނަ ރިޔާސީ ދައުރެއް ލިބިވަޑައިގެންފިނަމަ ސިޔާސީގޮތުން ހާސިލްކުރާއްވާނެ އިތުރު އެއްވެސް ކަމެއް ނެތް ކަމަށް ވިދާޅުވަނީ ދެވަނަ ދައުރެއް ލިބިވަޑައިގެންފިނަމަ ވައްކަމުގެ ސަރުކާދަ ޑިމޮކްރެޓްސް ގެ ލީޑަރޝިޕްގައި މަސައްކަތްކުރައްވާ އިމްތިޔާޒް ފަހުމީ ވިދާޅުވެއްޖެއެވެ. 

މއިަދު ދަ ޑިމޮކްރެޓްސްގެ ފަރާތުން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އިމްތިޔާޒު ވިދާޅުވީ، ރައީސް ޞާލިޙް ވެރިކަމަށް ވަޑައިގަތުމަށް އެންމެ ބޮަޑަށް ވިއްކެވީ ކުރީގެ ސަރުކާރުން ހިންގައިފައިވާ ޚިޔާނާތުގެ މައްސަލަތައް ބެއްލެވުން ކަމުގައްޔާއި އެހެންނަމަވެސް ފަސްއަހަރުގެ ދައުރު ނިމުން އިރުވެސް އެކަމުގެ ނަތީޖާއެއް ނުފެނުން ކަމުގައެވެ.

އެގޮތުން މިސަރުކާރުގެ ތެރޭގައި ވައްކަމާއި ކޮރަޕްޝަނުގެ މައްސަލަތައް ހަދުފަހަނަ އަޅާ މިންވަރަށް ގޮއްސައިވާކަމަށާއި އެގޮތުން ވެންޓިލޭޓަރުގެ މައްސަލައަށް ވެސް ވީނުވީއެއް ނޭނގޭ ކަން ފާހަގަ ކުރައްވައި އިމްތިޔާޒް ވަނީ ސަރުކާރާއި ބައްދަލުވާ ކޮންމެ ފަހަރަކު އެކަންކަމާއި ގުޅޭގޮތުން ސުވާލު ކުރެއްވުމަށް ނޫސްވެރިންނަށް ގޮވާލައްވައިފައެވެ. 

އަދި ހަމައެއާއެކު ސަރުކާރާއި ގުޅުންހުރި ބޭބޭފުޅުންގެ މައްސަލަތަކަށް ވާނުވާއެއް ނޭނގޭކަމަށާއި އެފަދަ ބައެއް ބޭފުޅުންނަށް ކުރެއްވުމަށް ފޮނުވައިފައިވާ ދައުވާތަކަށް ވާނުވާއެއް ނޭނގި ސަރުކާރުގެ އެކި މަގާމުތަކުގައި ބައިތިއްބައިގެން ކެމްޕެއިންއަށްވެސް ވަޑައިގަންނަވަނީ އެ ބޭބޭފުޅުން އަރިހުގައި ބައިތިއްބައިގެން ކަމުގައި ވިދާޅުވެ އިމްތިޔާޒް ވަނީ ސަރުކާރަށް ފާޑުވިދާޅުވެފައެވެ. 

އަދި މީގެ އިތުރުން 2017 ގައި ނަދީމުގެ މަރުގެ މައްސަލައިގައި ޝަރީއަތް ނިމެންދެން ބަންދުގައި ތިބި ބަޔަކަށް ފެނަކައިން މަތީ ވަޒީފާތައް ދިނުމުގެ މައްޗަށް އަލި އަޅުއްވާ އިމްތިޔާޒް ވިދާޅުވީ، ޚިޔާނާތުގެ މައްސަލަތަކުގައި ތިބޭ މީހުންނަށް ވަޒީފާތައް ދީ ވަޒީފާގައި ބައިތިއްބަން ޖެހޭ ފަރާތްތައް ވަޒީފާއިން ވަކިކުރާ ކުރުމުން ސަރުކާރުގެ ބޭއިންސާފެއް ނެތް މިންވަރު ހާމަވަމުންދާ ކަމުގައެވެ. 

އެމްޑީޕީގެ ރިޔާސީ ޕްރައިމަރީއަށް ފަހު އެ ޕާޓީ ބައިބައިވެ އުފެދުނު ދަ ޑިމޮކްރެޓްސްގެ އިސްސަފުގައި ހުންނެވީ އެމްޑީޕީގެ ކުރީގެ ރައީސް މުހަންމަދު ނަޝީދެވެ. ދަ ޑިމޮކްރެޓްސްގެ ފަރާތުން ރިޔާސީ އިންތިހާބުގައި އިލިޔާސް ލަބީބު ވާދަކުރައްވާއިރު އެ ޕާޓީން އަންނަނީ ރިޔާސީ ކެމްޕޭންގެ ހަރަކާތްތަކުގައި ސަރުކާރަށް ވަރަށް ބޮޑަށް ފާޑު ކިޔަމުންނެވެ.