ކުރިއަށް އޮތް ރިޔާސީ އިންތިހާބުގައި، ޕީޕީއެމް/ޕީއެންސީގެ ފަރާތުން ވާދަކުރައްވާ މާލެސިޓީ ކައުންސިލްގެ މޭޔަރ ޑރ. މުހައްމަދު މުޢިއްޒު އަށް ތާއީދު ކުރައްވަން ކުރީގެ ބަންޑާރަ ނާއިބު މުހައްމަދު މުނައްވަރު ނިންމަވައިފިއެވެ.
މިއަހަރު ރިޔާސީ ރޭހަށް ނުކުންނަވާނެ ކަން އިއުލާން ކުރެއްވުމަށްފަހު، އެ ވިސްނުން ދޫކޮށްލެއްވިކަން މުނައްވަރު އިއުލާން ކުރެއްވި ފަހުންވަކި ކޮޅަކަށް ތާއީދު ކުރާން ނިންމަވާފައި މިވަނީ މިހާރުއެވެ.
ޑރ.މުއިއްޒަށް ތާއީދުކޮށް އޭނާއަށް ކެމްޕޭން ކޮށްދެއްވުމުގެ މަސައްކަތް މުނައްވަރު ފައްޓަވަން ނިންމަވާފައިވާ ކަން ވޮއިސް އަށް ވަނީ ކަށަވަރު ވެފައެވެ. އަދި ކެންޕެއިންގެ ފުރަތަމަ ދަތުރުގައި މުނައްވަރާއި އޭނާގެ ޓީމު މުއިއްޒާ އެކު މާދަމާ އައްޑު އަށް ވަޑައިގަންނަވާނެ ކަމަށް ވެސް މައުލޫމާތު ލިބެއެވެ.
މުނައްވަރަކީ ޕީޕީއެމާ އެކު، ރާއްޖޭގެ ދެކުނުން އޮންނަ ޗާގޯސްގެ ރަށްތަކަކީ މޮރިޝަސްގެ ތަނެއްގެ ގޮތުގައި އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)ން ނިންމި ނިންމުމާ ދެކޮޅަށް އެންމެ ބޮޑަށް މަސައްކަތް ކުރެއްވި އެއް ބޭފުޅާކަން ފާހަގަކޮށްލަންޖެހެއެވެ.
Advertisement
This content is created and paid for by advertisers and does not involve Voice Journalists
