2008 ވަނަ އަހަރުން ފެށިގެން މިވީ 15 އަހަރުގެ ތެރޭގައި، ޖުމްހޫރީ ޕާޓީގެ އެހީތެރި ކަމާއި އެކު އައި ހުރިހާ ސަރުކާރެއްގެ ފަރާތުންވެސް ފެންނަމުންދަނީ ހަޑި ހުތުރު ޢަމަލުތައް ކަމަށް ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމް ވިދާޅުވެއްޖެއެވެ. 

ރިޔާސީ ކެންޕެއިނަށް އދ. އަތޮޅަށް މިހާރު ކުރައްވަމުންދާ ދަތުރުފުޅުގެ ތެރެއިން އެ އަތޮޅު އޮމަދޫއަށް ވަޑައިގެން ރައްޔިތުންނާއި ބައްދަލުކުރައްވައި ވާހަކަދައްކަވަމުން ގާސިމް ވިދާޅުވީ، އޭނާގެ ސިޔާސީ ހަޔާތް ގާތްގަނޑަކަށް 1984 ގައި ފެށުނީއްސުރެ ވެސް ކުރައްވަމުން އަންނަނީ އިސްލާހީ މަސައްކަތް ކަމަށެވެ. 

ދިވެހިރާއްޖޭގެ އައު ގާނޫނު އަސާސީ އާއި އެކު 2008 ވަނަ އަހަރުން ފެށިގެން އަދާއި ހަމައަށް ވީ 15 އަހަރުގެ ތެރޭގައި އައި ކޮންމެ ސަރުކާރެއްވެސް ގެނައުމަށް ގިނަ މަސައްކަތް ތަކެއް ކޮށްދެއްވާފައިވާ ކަމަށެވެ. 

އަދި އެވީ 15 އަހަރުގެ ތެރެއިން ކުރީގެ ރައީސް ޑރ. މުހައްމަދު ވަހީދުގެ ވެރިކަން ފިޔަވައި ދެން އައި ހުރިހާ ވެރިކަމެއްގައި ވެސް އޭނާ އޭނާ އާއި މެދު ކަންތައްތައް ވެފައި ވަނީ ވަރަށް ދެރަ ގޮތަކަށް ކަމަށް ވިދާޅުވިއެވެ. 

ގާސިމް ވިދާޅުވީ، ޑރ. ވަހީދުގެ ވެރިކަމުގެ ދެ އަހަރު ފިޔަވައި ދެން އައި 13 އަހަރު ފެނިގެން ގޮސްފައި ވަނީ ވަރަށް ނިކަމެތި ދަށު ދަރަޖައިގެ އަމަލުތައް ކަމަށާ، އެގޮތުން ރައްޔިތުންގެ ހައްގުތަކަށް އަރާ ފައިސާ އާއި މުދަލަށް އެކި ގޮތްގޮތަށް ބޭނުން ކުރަމުންދާތަން ފެންނަމުންދާ ކަމަށެވެ.

އަދި އަދުގެ ސަރުކާރުން ވެސް ކެންޕެއިން ގެ ނަމުގައި ދެވަނަ ދައުރެއް ހޯދުމަށް ކުރަމުންދަނީ ވިޔާނުދާ ހަޑި ހުތުރު އަމަތުތައް ކަމަށް އޭނާ ވިދާޅުވި އެވެ. އެގޮތުން، ދައުލަތު މުވައްޒަފުންނާއި މުދާ ބޭނުންކޮށްގެން ސަރުކާރުން ރިޔާސީ ކެމްއިންތައް ފުޅާ ކުރަމުންދާ ކަމަށެވެ. އަދި ބޭނުމެއް ނެތްހާ މީހުންނަށް ވަޒީފާ ދެމުންދާ ކަމަށްވެސް ވިދާޅުވިއެވެ. 

ގާސިމް ވިދާޅުވީ އިންތިހާބާ ދިމާކޮށް އެ ދެމުންދާ ވަޒިފާތަކަށް ނަގާ މީހުން އިންތިހާބަށް ފަހު، ބަޖެޓްގައި ފައިސާ ނެތް ކަަމަށް ބުނެ ލ ވަކި ކުރަމުންދާނެ ކަމަށެވެ.