ޓޫރިޒަމް މިނިސްޓަރު ކަމުގައި ހުންނެވިއިރު، އެއްވެސް ރަށެއްވެސް އަދި ފަޅެއްވެސް، ގާނޫނުން ބޭރުން ގާސިމާއި ހަވާލު ކުރަން އެމަނިކުފާނު އެދިފައި ނުވާ ކަމަށާ، އެކަހަލަ އެއްވެސް ކަމެއް ކޮށްފައި ނުވާނެ ކަމަށް ކުރީގެ ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
މިއަދު އއ. މަތިވެރީގައި ކުރިއަށް ދިޔަ، ޖުމްހޫރީ ޕާޓީގެ ކެންޕެއިން ބައްދަލުވުމުގައި ވާހަކަ ދައްކަވަމުން ޢަލީ ވަހީދު ވިދާޅުވީ، ކާޒާމިއާ އާއި މަތިވެރި ފިނޮޅުގެ މައްސަލަ އަކީ އޭނާ ޓޫރިޒަމް މިނިސްޓަރު ކަމުގައި ހުރިއިރު ދިމާވި އެންމެ އުނދަގޫ މައްސަލަ ކަމަށެވެ.
މި ދެ މައްސަލާގައިވެސް، ކޮންޓްރެކްޓް ހެދީކީ މި ސަރުކާރަކުން، ނުވަތަ އަޅުގަނޑުމެންނެއް ނޫން. އެއީ އަޅުގަނޑުމެން ސަރުކާރާއި ހަވާލުވިއިރު ހަދާފައި ހުރި ކޮންޓްރެކްޓް ތަކެއް. އެގޮތުން ކާޒާމިއާ މައްސަލާގައި، ކާޒާމިއާގެ އޮޕަރޭޓިވް ލައިސެންސް ހޯދުމަށްޓަކައި، ކާޒާމިއާ ހިންގައިގަތުމަށްޓަކައި، ޓޫރިޒަމް މިނިސްޓްރީއަށް އެ އައި ފަރާތްތަކުން އައި.
... އެކަމާއި ގުޅިގެން މި ރަށުގެ ކައުންސިލުން، ނުވަތަ އެއައި ބޭފުޅަކު ވަޑައިގެން އެ ދެއްކި ވާހަކަ ތަކަކާ، އަދި ޓޫރިޒަމް މިނިސްޓްރީގެ ތަފާސްހިސާބާއި، ރިކޯޑް ތަކުން އެކަން ހިނގައި ދިޔަގޮތް ވަރަށް ސާފުކޮށް ފެންނަން އޮންނާނެއޭ. އެއްފަހަރު އެ ބާތިލު ކުރަން. އަނެއް ފަހަަރު އެ ކުރިއަށް ގެންދަން. އެ ލިޔެ ކިޔުމެއް އޮތިއްޔާމުން، އެ އޮތް އެއްޗެއް އޮންނާނެ. ބާރަށް އޭރުވެސް ހަޅޭކަވާ ބޭފުޅުން މިނިސްޓާރީއަށް ވަޑައިގެން، އިންވެސްޓަރ ވެސް ވަޑައިގެންނެވި. އަދި އެހެން ބޭފުޅުން ވެސް ވަޑައިގެން." ޢަލީ ވަހީދު ވިދާޅުވި އެވެ.
ޢަލީ ވަހީދު ވިދާޅުވީ، މަގާމެއްގެ ހުވާ ކުރުމަށްފަހު އެމަގާމެއްގައި އޭނާގެ އަމަލު ބަހައްޓަންޖެހޭނީ ގާނޫނާއި އެއްގޮތަށް ކަމަށެވެ. އެގޮތުން ކެބިނެޓް ގައި ތިބޭ މިނިސްޓަރުން ކަން ކުރަންޖެހެނީ ރައީސުލްޖުމްހޫރިއްޔާ އާއި ބަންޑާރަ ނާއިބު އަންގަވާ ގޮތަށް، ގާނޫނުގެ ތެރެއިން ކަމަށް އޭނާ ވިދާޅުވި އެވެ. އެހެންކަމުން ކާޒާމިއާ އާއި މަތިވެރި ފިނޮޅާއި ގުޅޭގޮތުން ޓޫރިޒަމް މިނިސްޓްރީން ނިންމި ކޮންމެ ނިންމުމެއްވެސް ނިންމެވީ ރައީސުލްޖުމްހޫރިއްޔާ އާއި ބަންޑާރަ ނާއިބުގެ ލަފާގެ މަތިން އެގޮތަށް ކަމަށް އޭނާ ވިދާޅުވި އެވެ.
"އެހެން އެކަން ކުރަންޖެހޭ ސަބަބަކީ، މަގާމެއްގެ ހުވާ ކުރުމަށްފަހު އެމަގާމެއްގައި އޭނާގެ އަމަލު ބަހައްޓަންޖެހޭނީ ގާނޫނާއި އެއްގޮތަށް. އެނޫން ގޮތަކަށް ނުކުރެވޭނެ. އެހެން އެކަން ކުރާގޮތުގެ އެއް ހެއްކަކީ އަޅުގަނޑުމެން ކުރިމަތީގައި މިއިންނެވި ޤާސިމް އިބްރާހީމް. ޤާސިމް އިބްރާހީމަށް ދޭންޖެހޭ ރަށާއި ފަޅު، އެ ސުޕްރީމް ކޯޓުގެ ހުކުމް މިސަރުކާރު އައި އިރު އޮންނާނެ. އޭރުވެސް ޓޫރިޒަމް މިނިސްޓްރަކީ އަޅުގަނޑު. އެންމެ ރަށެއްވެސް ފަޅެއްވެސް މިނޫން ގޮތަކަށް ގާސިމް އިބްރާހީމަށް ހަވާލުކޮށްފައެއް ނޯންނާނެ. އަދި ގާސިމް އިބްރާހީމް އަޅުގަނޑަށް ގުޅާ އެއްްޗެއް ހަވާލުކުރަންވެސް އެދިފައެއް ނޯންނާނެ."
ކުރީގެ ޓޫރިޒަމް މިނިސްޓަރު ޢަލީ ވަހީދު
ޢަލީ ވަހީދު ވިދާޅުވީ، ކާޒާމިއާ މައްސަލައިގައިވެސް ކަންކަން ކުރައްވާފައިވާނީ ގާނޫނާއި އެއްގޮތަށް ކަމަށެވެ. އިންވެސްޓަރ އައިސް އަޑުގަދަ ކުރެއްވި އިރުވެސް ގާނޫނުން ބޭރުވެފައި ނޯންނާނެ ކަމަށާ، ކުރިއަށް އޮތް ތަނުގައިވެސް ކަންކަން ކުރައްވާނީ އެގޮތަށް ކަމަށް އޭނާ ވިދާޅުވި އެވެ.
ކާޒާ މިއާގެ ބިމު ކުއްޔަށް ދައްކަން ޖެހޭ 4 މިލިއަނަށް ވުރެ ގިނަ ރުފިޔާ ޖާބިރު ނުދައްކަވާ އުޅުއްވާ މައްސަލައާ ގުޅިގެން ޖާބިރު އާއި މަތިވެރީ ކައުންސިލުގެ މެދުގައި ނުތަނަވަސްކަން ބޮޑުވެ 2021 ވަނަ އަހަރު ތެރޭގައި މައްސަލަ ވަރަށް ބޮޑަށް ހޫނުވެގެން ދިޔައެވެ.
އެ ގެސްޓް މައްސަލާގައި އޭނާ، ޓްއަރިޒަމް މިނިސްޓްރީއަށް ވަދެ، ހަޑިހުތުރު ބަހުން އެތަނުގެ މުވައްޒަފުންނާ މުޚާތަބުކޮށް، އެ އޮފީހަށް ގެއްލުންދިން މައްސަލައެއް ފެންމަތިވެ ކުރީން ވަނީ ގިނަ ބައެއްގެ ފާޑުކިޔުންތައް އޭނާ އަށް އަމާޒުވެފައެވެ.
Advertisement
This content is created and paid for by advertisers and does not involve Voice Journalists
