އދ ހަންޏާމީދޫ ޒުވާނުންގެ އެދުމާއި އެއްގޮތަށް އެމަނިކުފާނުގެ ސަރުކާރެއްގައި އެ ރަށުގައި ދުނިޔޭގެ ފުޓްބޯޅައިގެ މައި އިދާރާ، ފީފާ ގެ ސްޓޭންޑަރޑް އަށް ފެތޭ ފުޓްބޯޅަ ދަނޑެއް އަޅައިދިނުމަށް އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ވައުދުވެޑައިގެންފިއެވެ.
ޑރ މުއިއްޒު މިފަދައިން ވިދާޅުވީ، ރިޔާސީ އިންތިހާބުގެ ކެމްޕެއިންގައި އަރިއަތޮޅުގެ 9 ރަށަކަށް މިއަދު ކުރަމުން ގެންދާ ދަތުރުތަކުގައި އދ ހަންޏާމީދުއަށް ވަޑައިގެން އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައެވެ.
މުއިއްޒުގެ ވާހަކަ ފުޅުގައި ވިދާޅުވީ، ދިވެހިންގެ ސަގާފީ ތަރިކަތައް ހިމާޔަތްކޮށް ރައްކާތެރިކުރުމަކީ މިހާރަށް ވުރެ އިސްކަމެއް ދީގެން ކުރަންޖެހޭ މަސައްކަތެއްކަމަށާއި އެ މަނިކުފާނުގެ ސަރުކާރެއްގައި ހަންޏާމީދޫގައި ހުރި މުހިއްމު އާޘާރީ ތަންތަން ހިމާޔަތްކޮށް ރައްކާތެރިކުރާނެ ކަމުގައެވެ.
އެތަން ހިމާޔަތްކުރެވޭ ގޮތަކަށް އެއީ ޓުއަރިޒަމް ވެސް ކުރިއެރުވޭ ގޮތް ވެއްޖިއްޔާ އެއީ އާމްދަނީ ލިބޭނެ ރަނގަޅު ގޮތެއް
ޑރ މުހައްމަދު މުއިއްޒު
މީގެ އިތުރުންވެސް ހަންޏާމީދުއަށް ކޮށްދެއްވާނެ ކަމަށް ވައުދުވެވަޑައިގެން ކަންތައްތަކުގެ ތެރޭގައި:
- ސްކޫލުގެ ޖާގައިގެ ދަތިކަން ހައްލުކުރުމަށް މަލްޓިޕާޕަސް ހޯލު ހިމެނޭހެން އިތުރު ކްލާސްރޫމްތައް އެޅުން
- ރަށުގެ ރަށް ގިރުމުގެ މައްސަލަ ހައްލުކުރުން
- ރައްޔިތުންގެ މަޝްވަރާއާއެކު ރަށުގެ ދޯނި އެހެލާ ސަރަހައްދު އެހެން ދިމާއަކަށް ބަދަލު ކުރުން
Advertisement
This content is created and paid for by advertisers and does not involve Voice Journalists
