ރިޔާސީ އިންތިހާބުގެ ދެވަނަ ބުރާއިމެދު އިންތިހާބުގެ ފުރަތަމަ ބުރުގައި އަމިއްލަގޮތުން ވާދަކޮށް ހަތަރުވަނަ އަށް އެންމެ ގިނަ ވޯޓު ހޯދި އުމަރު ނަސީރުގެ ނިންމުން މިރޭ އިއުލާނުކުރާނެކަން ހާމަކޮށްފިއެވެ.
އުމަރު ނަސީރުގެ ފޭސްބުކް ޕޯސްޓެއް މެދުވެރިކޮށް ބުނެފައިވަނީ މި ރިޔާސީ އިންތިޚާބުގެ ދެވަނަ ބުރާގުޅޭ ގޮތުން އުމަރު ނަސީރާއި އޭނާގެ ނިއުޑައިރެކްޝަން ޓީމުން ނިންމާ ނިންމުން އިޢުލާން ކުރުން ބުރާސްފަތި (21 ސެޕްޓެމްބަރ) ދުވަހުގެރޭ 9:30ގައި އޮންނާނެކަމަށެވެ.
މި ނިންމުން އިއުލާނުކުރުމަށް ހަމަޖެހިފައިވަނީ އޭނާގެ ކެމްޕެއިން ސްޓޫޑިއޯގައި މިރޭ ފޭސްބުކް އަދި ޓިކްޓޮކް މެދުވެރިކޮށް ދައްކާ ލައިވްއަކުންނެވެ.
ފެހި ގާނޫނުއަސާސީގެ ދަށުން 2008 ވަނަ އަހަރު ބޭއްވި ރިޔާސީ އިންތިހާބުގައި އުމަރު ނަސީރުވަނީ ވާދަކުރައްވައިފައެވެ. އެ ފަހަރު އޭނާ ދިޔައީ އެންމެ އިންތިހާބުގެ ފުލަށެވެ. އެ ނަތީޖާއަށް ފަހުގައި ދެވަނަ ބުރުގައި އެއްވެސް ކެންޑިޑޭޓެއްގެ ފަހަތަށް ނޭރުއްވުމަށް އުމަރު ވަނީ ނިންމަވައިފައެވެ.
އޭގެ ފަހުން، 2013 ގެ ރިޔާސީ އިންތިހާބުގައި އުމަރު ނަސީރަށް ކުރިމަތިނުލެއްވުނީ ޕީޕީއެމް ޕްރައިމަރީގައި ކުރީގެ ރައީސް ޔާމީންއާ ވާދަކުރައްވައި ނާކާމިޔާބީއާ ކުރިމަތިވެވަޑައިގެންނެވުމުންނެވެ. އަދި 2018 ވަނަ އަހަރު ބޭއްވި ރިޔާސީ އިންތިހާބުގައި އުމަރު ވާދަކުރައްވާފައެއް ނުވެއެވެ.
Advertisement
This content is created and paid for by advertisers and does not involve Voice Journalists
