ފަލަސްތީނިގެ މިނިވަންކަމަށް ހަނގުރާމަ ކުރަމުންދާ ޖަމާޢަތަކުން ފަލަސްޠީނުގެ ބިމުން އިޒްރާއިލް މީހުން ގަދަކަމުން ވެރިވެގަނެ ދިރިއުޅެމުންދާ ސަރަހައްދަށް ދިން ރޮކެޓް ހަމަލާތަކުގެ ބަދަލު ހިފާނެ ކަމަށް އިޒްރާއިލް ސިފައިން ބުނެފިއެވެ.
އިޒްރާއިލް ސިފައިން ބުނެފައިވަނީ އިޒްރާއިލްގެ އެކި ކަންކޮޅުގައި ތިބި އިޒްރާއިލް ސިފައިނަށް ހެނދުނު ނިދިން ހޭލެވުނީ ފަލަސްޠީނުގެ ރޮކެޓް ހަމަލާތަކަށް ކަމަށެވެ.
"އަހަރެމެން އަހަރެމެންގެ މީހުން ދިފާޢު ކުރާނަން" އިޒްރާއިލް ސިފައިން ބުނެފައިވެއެވެ.
އިޒްރާއިލްގެ މީހަކު އަލްޖަޒީރާ އާއި ވާހަކަދައްކަމުން ބުނެފައިވަނީ ފަލަސްޠީނުގެ ހަމަލާތަކުގެ ސަބަބުން ތެލް އަވީވްގެ ޢާންމު ރައްޔިތުން ތިބީ ހާސްކަމެއްގެ ތެރޭގައި ކަމަށެވެ.
އަދި މިހަމަލާ ތަކަކީ ހަމައެކަނި ހަމަލާތަކެއްގެ ކަމަށް ވިސްނައިގެން ތިބުމުގެ ފުރުސަތެއް ނެތް ކަމަށާއި މިއީ ފަލަސްޠީނުގެ ހަމާސްގެ ޓެރަރިސްޓު ހަމަލާތަކާއި ހަނގުރާމައެއްގެ ފެށުން ކަމަށެވެ. އަދި ތެލްއަވީވް ގައި ތިބި އެންމެންވެސް މިހާރު ތިބީ ވާނުވާ ނޭނގޭ ފަދަ ހާސްކަމެއްގެ ތެރޭގައި ކަމަށެވެ.
އަލްޖްޒީރާ އަށް މަޢުލޫމާތި ދިން އިޒްރާއިލްގެ މީހަ ބުނެފައިވަނީ މިއަދަކީ އެމީހުންގެ ދީނީ މުނާސަބަތަކާއި ގުޅިގެން ބަންދު ކޮށްފައިވާ ދުވަހެއް ކަމުން ޓީވީ ޗެނަލް ތަކުންވެސް މަޢުލޫމާތު ފޯތުކޮށްދިނުމަށް ދަތިވެފައި ވާކަމަށެވެ.
އަލްޖަޒީރާ އާއި ވާހަކަ ދެއްކި އިޒްރާއިލް މީހާ ބުނެފައިވަނީ އޭނާ އުންމީދު ކުރަނީ ފަލަސްޠީނުގެ ހަމަލާތަކަށް އިޒްރާއިލް ސިފައިން ދޭ ރައްދު ޖަވާބަކީ ގެއްލުން ދެނިވި، އަދި އެމީހުން އުންމީދު ވެސް ނުކުރާ ފަދަ ޖަވާބަކަށް ވާނެ ކަމަށެވެ.
Advertisement
This content is created and paid for by advertisers and does not involve Voice Journalists
