ހުޅުމާލޭ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓުގެ އެޕާޓްމެންޓަކުން ވެއްޓި ކުއްޖަކު ނިޔާވެއްޖެއެވެ.

ފުލުހުންގެ މީޑިއާ އޮފިޝަލް ވިދާޅުވީ، ހިޔާ ފްލެޓުން ކުޑަކުއްޖަކު ވެއްޓިގެން އުޅޭ ކަމުގެ މައުލޫމާތު ލިބިފައިވަނީ ރޭ 11:58 ކަންހާއިރު ކަމަށެވެ.

އަދި އެ ކުއްޖާ ވެއްޓިފައިވަނީ ހިޔާ ފްލެޓުގެ އެޗް6ގެ 12 ވަނަ ފަންގިފިލާއިން ކަމަށާ އެއީ އުމުރުން 15 އަހަރުގެ ފިރިހެން ކުއްޖެއް ކަމަށް މީޑިއާ އޮފިޝަލް ވިދާޅުވި އެވެ. 

Advertisement

މިހާދިސާގައި ލިބުނު އަނިޔާތަކަށް ހުޅުމާލޭ ހޮސްޕިޓަލުގައި ފަރުވާ ދެމުން ދަނިކޮށް އެކުއްޖާ ނިޔާވެފައިވާކަމަށް ފުލުހުން ވަނީ ބުނެފައެވެ.

އަދި ފުލުހުން މި މައްސަލަ ތަހުގީގުކުރަމުން އަންނަ ކަމަށްވެސް އޮފިޝަލް ވިދާޅުވި މެވެ.

ހއ.ދިއްދޫ އަށް ނިސްބަތްވާ އެ ކުއްޖާގެ މައްޗަށް ކުރެވޭ ކަށު ނަމާދު އޮތީ މިއަދު ހެނދުނު 10:00 ގައި (ހުޅުމާލެ ސަހަރާ) މިސްކިތުގައެވެ.